2 Korenti 11:9 - Uwumbɔr aagbaŋ

⁹ Buyoonn m nan bi ni chee ki lann maah ban pu na, maa muk nimi ke ni ter mi. Tinaabitiib bi nyan Masedonia aatiŋ ni na nan joo ni maah ban tiwan ni na mɔmɔk. Maah nan bi pu n‑yoonn ngbaan na, m ga li beenin bi kina la, kaan muk nimi ke ni ter mi.

UWONBƆR A GBƆNPƆŊ LIKƆƆNL

⁹ Maah nan be ni ban n-yonn man wee kaa jɔɔ niba-n, amaa maa nan mugir ni ke ni seim niba, ti nabum ban nyan Masedoniya nan seim maah ban nan na. N ŋmag nba le kaa ban n li mugir uba, n le ji yin ŋa man le.

2 Korenti 11:9 ပူးပေါင်းရင်းမြစ်များ

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Lituln 18:3

Uja ngbaan ni upuu nan jab igban le ki gaal ŋiboo. Baatuln le nan bi na. Pɔɔl aatuln ni baatuln kpaa la. Nima pu le u nan ti bi bido. Le bi tun lituln ngbaan tɔb chee.

Lituln 18:5

Sailas ni Timoti nan nyan ni Masedonia aatim ni, ki fuu ni Pɔɔl chee. Baah fuu ni na, le Pɔɔl mooni Yesu aabɔr linimaln, kaa ki tun lituln liken. U nan ŋeer tuk Juu yaab ke Yesu le ye Kristo u gaa binib lii na.

Lituln 20:33

Maah nan bi ni chee na, maa nan ban unii ubaa aamombil, kaa ban unii ubaa aawanpeenkaan.

Rom Yaab 15:26

Ba pu? Yesu aanib bi bi Masedonia aatim ni, ni Akaya aatim ni na, nan too ŋimombil baageehn pu ki di ŋa ŋŋaal ni, ke m ti di tii Uwumbɔr aanib bi ye bigiim na Jerusalem ponn ni.

1 Korenti 16:17

Stefanas, ni Fotunatus, ni Akaikus aah fuu ni na, le m kpa mpopiin. Naah kaa bi m chee na, le bi leŋ nimi aaleleŋ.

2 Korenti 6:4

Timi aabimbin aah bi pu na, nima le mɔk binib ke ti ye Uwumbɔr aatutum. Kinye pu? ti kan falaa, ni limukl, ni tibɔr, ki ji limɔr, ni mɔmɔk ponn ni.

2 Korenti 9:12

Ni yaa ter Yesu aanib ki tii bi baah lann pu na kan, nima le binib pam ga doon Uwumbɔr mbamɔm.

Filipi 2:25

M dak ke ni ŋan ke m cha tina aabo Epafrodaitus ki gir ni ni chee. U ye maatutuŋeer ni maajaŋeer Tidindaan aasan ni, ki ye nimi aatutunn u dan nan tii mi maah ban pu na.

1 Tesalonika 2:6

Taa nan ban ke ni nyuŋ timi, kaa nan ban ke binib biken nyuŋ timi.

1 Tesalonika 2:9

Nnaabitiib, ni teer taah nan tun lituln linimaln pu na. Ti tuk nimi Uwumbɔr aabɔnyaan, ki tun lituln nwiin pu ni kinyeek mɔk, ke ti ji. Ba pu? taa nan ban ni ji ti pu falaa.

Hiibru Yaab 11:37

Bibaa mu aah nan gaa Uwumbɔr ki kii pu na, le binib mae bi ŋitakpal ku bi. Bibaa mu aah nan gaa Uwumbɔr ki kii pu na, le bi chuu gii por bi ki ku bi. Bibaa mu aah nan gaa Uwumbɔr ki kii pu na, le bi nan [tɔŋ bi, ki] di kijaak aajuk ku bi. Bibaa mu aah nan gaa Uwumbɔr ki kii pu na, le bi nan ye bigiim, ki chuun pee ipiih, ni iŋoob aagban, ki jin falaa. Binib mu ŋa bi bakaa.