2 Korenti 10:10 - Uwumbɔr aagbaŋ

¹⁰ Bibaa len ke m ŋmee tigbann ke mpɔɔndaan na, ke m yaa bi ni chee kan, maa pɔɔ, maaliin aa bi tibɔr tibaa ni.

UWONBƆR A GBƆNPƆŊ LIKƆƆNL

¹⁰ Bininfob biba ke, “Pɔɔl a gbann ni nann le ke upɔɔndaan uba-n, amaa le u nan foon ti ban n-yonn man ke, u ye ulanjiin le, le u mɔboi kaa ji jɔɔ npɔɔn ni.”

2 Korenti 10:10 ပူးပေါင်းရင်းမြစ်များ

Nnyam 4:10

Moses nan bui ke, “Aayii, Ndindaan, taa tun mi. Maa ŋmaa len tibɔr mbamɔm, le saah piin ki len m chee buyoonn ki nan saa dandana wee na, m beenin bi kina la, maa ŋmaa len mala mala.”

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

1 Korenti 1:17

Ba pu? Kristo aa tun ni mi ke m nan muin binib nnyun ni. U tun ni mi ke m nan tuk bi waabɔnyaan ngbaan la. Naa ye ke m di binib aalan le tuk bi. M yaa ba ŋa kina kan, ni ba ga cha Kristo aah kpo ndɔpuinkoo pu na ŋa yɔli.

1 Korenti 1:21

Uwumbɔr u kpa nlan na len ke dulnyaa wee aalan aa ŋmaa cha binib bee u. Nima pu na, u gaa binib bi gaa Yesu ki kii na lii, kijɔrk aabɔr ti ti joo tuk binib na pu. Waageehn le na.

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

2 Korenti 10:11

Cha binib ngbaan aaboln bee ke ti yaa ŋmee kigbaŋ ponn ni taah ga ŋa pu na kan, ti yaa fuu ni kan, ti ga ŋa kina la.

2 Korenti 10:9

Ni taa li dak ke m ban m ŋmee kigbaŋ ki ga li kpa nimi ijawaan na.

2 Korenti 11:21

Taah kaa muk nimi kina na, le ni bii timi, ke taa kpa mpɔɔn aa? Unii ubaa yaa kaar ke u pak ubaa kan, m mu kaar kina la. M len ke ujɔr na la.

2 Korenti 11:6

Nibaakan, maan ŋmaa len ke unii u bae mbaem sakpen na aah len pu na. M mu nyi Yesu aabɔr mbamɔm, ki ŋeer ti mɔmɔk tuk nimi, binib aanimbil ni.

2 Korenti 13:3

Nima le ga mɔk nimi ke Kristo le cha m len. Waa ye udabur ni chee, u kpa mpɔɔn ni chee.