2 Korenti 1:4 - Uwumbɔr aagbaŋ

⁴ Timi aafalaa mɔmɔk ponn ni u sɔŋni tisui, ke ti mu ga ŋmaa sɔŋ binib bi bi falaa mɔmɔk aabɔŋ ni na aasui. Ti mu ga sɔŋ bisui ke Uwumbɔr aah sɔŋ tisui pu na.

UWONBƆR A GBƆNPƆŊ LIKƆƆNL

⁴ Ti Baa wan sɔŋir ti sufu a bɔmugkaar biɛn ni, wee ti mu li fir sɔŋir ban be limugilin a sufu, lisufusɔŋil lan wee ti nan gaa Uwonbɔr ban ni.

2 Korenti 1:4 ပူးပေါင်းရင်းမြစ်များ

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Ilahn 32:7

Sin le ye maabɔbɔryaan; aa ga nyan mi tibɔr ni. M gaa ilahn mpɔɔn pu, saah gaal mi lir pu na, ba pu? sin le kii mi.

Ilahn 66:16

Binib bi mɔmɔk nyuŋ Uwumbɔr na, dan ki nan pel man, aan m bui nimi waah tun pu tii mi na.

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 40:1

Uwumbɔr bui ke, “Sɔŋ maanib aasui, sɔŋ bisui man.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Jɔnn 14:16

le m ga mee Nte Uwumbɔr, le u ga tii nimi Uteter uken, u li bi ni chee n‑yoonn mɔmɔk.

Jɔnn 14:18

“Maan di nimi lii nibaa. M ga gir ni ni chee.

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

2 Korenti 7:13

le tisui sɔŋ ni pu. Taitus aah nan bi ni chee na, le usui sɔŋ nimi aabimbinyaan pu, le ni ŋa u mpopiin. Nima le cha ti mu kpa mpopiin sakpen.

2 Korenti 7:4

M kpa lipobil sakpen le ki len nimi. M kpa kipupuk sakpen ni pu. Nsui sɔŋ mbamɔm la. Timi aafalaa mɔmɔk ponn ni, m kpa mpopiin ni pu ki ti nyaŋ.

Filipi 1:14

Maah bi kiyondiik ni na, nima le pɔɔk nnaabitiib aataakpab Tidindaan aasan ni, ki tii bi lipobil ke bi tuk binib Yesu aabɔr ki taa san ijawaan.

1 Tesalonika 4:18

Nima pu na, ni li tuk tɔb kina, aan ki sɔŋ tɔb aasui.

1 Tesalonika 5:11

Nima pu na, ni li pɔɔni tɔb aataakpab, ki li ter tɔb, ni li moo dii Uwumbɔr aasan mbamɔm, ke naah ŋani pu dandana wee na.

Hiibru Yaab 12:12

Nima pu na, ni li yoor iŋaal i bak na man, ki li pɔɔni nitaakpab,