2 Bibɔrb 9:14 - Uwumbɔr aagbaŋ

^14-15 Le Jehu nan kpokl Ubɔr Joram pu. Joram nan bi Jesreel aatiŋ ni ke u ti teb ubaa, waah nan kan titotonn ti Ramof aatɔb bu ponn ni, u ni Siria aatiŋ aabɔr Hasael nan ti di biyil kpaa tɔb na ni. Kina pu na, Jehu nan bui uŋeen aatɔtiib bininkpiib ngbaan ke, “Ni yaa si nchaŋ ni kan, ni li nyi ubaa taa nya Ramof ki loon buen Jesreel ki ti nyaa binib ngbaan,”

2 Bibɔrb 9:14 ပူးပေါင်းရင်းမြစ်များ

1 Bibɔrb 15:27

Ahija aajapɔɔn Baasa u ye Isakar aanibol ni aanii na nan ban isan i kaa ŋan na Nadab pu le ki ku u. Nadab ni waajab nan gob Gibetonn aatiŋ ki bi Filistia aatiŋ pu na, le u ti ku u.

1 Bibɔrb 16:16

le baah ŋun ke Simri ban isan i kaa ŋan na ubɔr pu ki ku u na, libuul ngbaan ni, nima chee le bi kpaan di baaninkpel Omri kaan Israel yaab aabɔr.

1 Bibɔrb 16:7

Baasa aah nan tun Uwumbɔr titunwanbir ti na pu le Uwumbɔr aabɔnabr Jehu di Uwumbɔr aabɔr ti ga pii u ni waadichal na len. Naa ye waah nan tun titunwanbir ke Jeroboam u nan puen u jin nnaan na aah nan tun pu na pu baanja le nan fiin Uwumbɔr aaŋuul, waah nan ku Jeroboam aadichal mɔmɔk pu na mu nan kpee.

1 Bibɔrb 16:9

Simri, u nan ye waaninkpiib ponn ni ubaa, ki ye ubɔr aataan aatɔroku tiib ligeln aayidaan na, nan ban u pu isan i kaa ŋan na. Daalbaadaal, le Ela nan bi waaninkpel Arsa do Tirsa aatiŋ ni, ki ban u gbii ndaan. Arsa le nan ye libɔrdichal aayidaan.

1 Bibɔrb 22:3

Ahab nan baa waaninkpiib ke, “Ba ŋa taa pɔɔn tibaa ke ti gaa Ramof aatiŋ ki bi Gilead aatiŋ pu na Siria aabɔr chee? Ki ye timi aatiŋ la.”

2 Bibɔrb 10:9

Naah woln kichakpiik ni na, le u buen mbisamɔb ngbaan chee le ki ti bui binib bi si nima chee na ke, “Min le nan kpokl Ubɔr Joram pu ki ku u; naa ye nimi aataani. Tɔ, ŋma ku bimina mɔmɔk?

2 Bibɔrb 15:30

Usia aajapɔɔn Jotam aah nan ye Juda aatiŋ aabɔr pu na aabin moninko ni, le Ela aajapɔɔn Hosea nan lok Ubɔr Peka pu ibuu, le ki ku u, ki nab waanaan pu.

2 Bibɔrb 8:28

Ubɔr Ahasia nan ti kpee Israel yaab aabɔr Joram pu, le bi faa Siria yaab aabɔr Hasael butɔb. Bijab ngbaan nan ti di biyil kpaa tɔb Ramof aatiŋ ki bi Gilead aatiŋ pu na ni la, le Joram nan kan titotonn butɔb ngbaan ni.

2 Bibɔrb 8:29

U nan gir ni Jesreel aatiŋ ni ke u nan teb ubaa, le Ahasia nan buen ti mann u nima.

2 Bibɔrb 9:2

Aa yaa ti fuu nima kan, aa ban kan Nimsi aayaabil, u aate ye Jehosafat, aan bi yin u ke Jehu na. Nyan u uŋeen aatɔtiib chee ki di u buen kidiik kibaa ni,

2 Bibɔrb 9:31

Jehu aah dii mbisamɔb koo ni na, le u teen bui u ke, “Sin Simri. Sin unikur. Aa ban ba do?”