2 Bibɔrb 9:13 - Uwumbɔr aagbaŋ

¹³ Libuul ngbaan ni le Jehu aaŋeen aatɔtiib bininkpiib ngbaan di tiwanpeenkaan ni bi pee paab na ter ŋibimbin ŋi pu bi taar joi paacham aadiik ni na ke Jehu taa ni pu, le ki pii kakaan tiib ki teen ke, “Jehu le ye ubɔr.”

2 Bibɔrb 9:13 ပူးပေါင်းရင်းမြစ်များ

2 Samuel 15:10

ki tee tun ituun buen Israel aanibol mɔmɔk chee ke, “Ni yaa nan ŋun ikpiin wii kan, ni teen ke, ‘Bi kaan Absalom nnaan Hebronn aatiŋ ni.’”

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

1 Bibɔrb 1:39

Le Sadok nan yoor olif aakpan aah bi tiwan ni ponn ni, aan u nan nyan ni Uwumbɔr aanimbiin ni, Waabool ni na, le ki di kpir Solomonn aayil pu. Bi nan pii ukpiin, le binib mɔmɔk teen mpɔɔn pu ke, “Ubɔr Solomonn li kpa limɔfafɔfɔŋ.”

2 Bibɔrb 11:12

Le Jehoyada di Joas nyan ni, le ki di kibɔryikpupuk chiŋ u, le ki di nnaan aakaal i joo nnaan na ŋum u. Le bi nan di nkpan kpir uyil pu ki kaan u nnaan. Binib nan kpaar biŋaal le ki teen ke: “Limɔfafɔfɔŋ li bi ubɔr chee.”

2 Bibɔrb 11:14

Nima chee le u ti kan ubɔrpɔɔn ngbaan si Uwumbɔr Aadichal aajaatɔlk chee, nkaal aah mɔk ke bi ŋa ubɔr pu na. Butɔb aajab aaninkpiib ni binib bi pii kakaan tiib na le nan si gob u, le binib ngbaan mɔmɔk kpa mpopiin aafuuk ki pii kakaan tiib. Atalia nan daa kar waawanpeenkaan mpombiin pu, le ki teen mpɔɔn pu ke, “Linibiil, linibiil.”

2 Bibɔrb 9:12

Le bi bui u ke, “Aayii, taa nyi. Bui timi waah len pu na.” Le Jehu bui bi ke, “U bui mi ke Uwumbɔr le len ke, ‘M kaan si Israel aanaan.’”

Ilahn 98:6

Pii kakaan ni ikpiin man, ki di mpopiin teen mpɔɔn pu tii Uwumbɔr u ye timi aabɔr na.

Tibɔnyaan ti Luk ŋmee ti na 19:36

Le waah cha na, kinipaak ngbaan di baakeken ter nsan ponn ni.