2 Bibɔrb 8:5 - Uwumbɔr aagbaŋ

⁵ Gehasi aah nan bi tuk ubɔr ngbaan Elaisa aah nan fikr unii nkun ni pu na, le upii ngbaan nan di waah chuun pu na tuk ubɔr ngbaan. Le Gehasi bui ubɔr ke, “Mpɔɔndaan, upii ngbaan sɔ, ujapɔɔn u Elaisa nan fikr u nkun ni na mu sɔ.”

2 Bibɔrb 8:5 ပူးပေါင်းရင်းမြစ်များ

1 Bibɔrb 20:1

Siria Aabɔr Ben‑Hadad nan kuun waatɔb aajab, le bijojoob piitaa ni bilee biken sil uchaŋ ni, ki joo baataan ni yaatɔroku tiib ki buen ti gob Samaria aatiŋ le ki tak ki.

2 Bibɔrb 4:12

U nan tun waatutunn Gehasi ke u ti yin ni upii ngbaan. Waah nan fuu ni na,

2 Bibɔrb 4:35

Elaisa nan fii, le ki chuun gonni kidiik ngbaan ni, le ki ti ki doon paan ubo ngbaan pu. Ubo ngbaan nan chiin nfum mulole, le ki likr unimbil.

2 Bibɔrb 6:12

Le bi ponn ni ubaa gar u ke, “Mpɔɔndaan, ubaa aa bi. Uwumbɔr aabɔnabr Elaisa le tuk u saah len pu na. Hali aa yaa bi saadiik ni le ki loon len ti kan, u ga ŋun.”

2 Bibɔrb 6:26

Israel yaab aabɔr nan bi chuun jer kitiŋ ngbaan aagoln paab, le upii ubaa nan wii u chee ke, “Mpɔɔndaan, ter mi.”

2 Bibɔrb 8:6

Ubɔr aah nan baa upii ngbaan na, u nan kii ke Gehasi aah len pu na gbii, le ubɔr ngbaan nan yin waaninkpel ubaa ki nan bui u ke u giin tiwan ni mɔmɔk ye upii ngbaan aawan na tii u; ki kpee waakpaakon aah nan ŋa tijikaar pu ŋibin ŋilole ŋi ponn ni waa bi na mu.

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ruf Aagbaŋ 2:3

Kina pu le Ruf nan buen ikpaakon ni ki ti chuun paa bidicheeb aapuwɔb, ki lɔi idi. Waah nan ti bi nkpaakon mu ponn ni na nan ye Boas aakpaakon la.

1 Samuel 26:17

Sɔɔl nan bee David aaneel le ki baa ke, “Maabo David, sin ye ee?” Le David kii u ke, “Een, Mpɔɔndaan,”