2 Bibɔrb 8:12 - Uwumbɔr aagbaŋ

¹² Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

2 Bibɔrb 8:12 ပူးပေါင်းရင်းမြစ်များ

1 Bibɔrb 18:13

Saa ŋun ke Jesebel aah nan bi ku Uwumbɔr aabɔnabtiib na, m nan di bi ponn ni nkub ki yakr bi piiŋmu piiŋmu, ki bɔr titakpalunn ponn ni ki tii bi tijikaar ni nnyun aa?

1 Bibɔrb 19:17

Unii umɔk san ŋmar Hasael chee na, Jehu ga ku udaan, u mu san ŋmar Jehu chee na, Elaisa ga ku udaan.

2 Bibɔrb 12:17

N‑yoonn ngbaan le Siria aatiŋ aabɔr Hasael nan ti tak Gaf aatiŋ ki nyaŋ ki; le ki ŋa nlandak ke u ti tak Jerusalem mu.

2 Bibɔrb 12:18

Ubɔr Joas nan yoor ipiin i mɔmɔk Jehosafat, ni Jehoram, ni Ahasia bi nan puen u ki jin jin nnaan na nan di tii Uwumbɔr na, ni u mu ubaa aah nan tii Uwumbɔr i na, ni salmaa u mɔmɔk nan bi Uwumbɔr Aadichal ni, ni libɔrdichal ni na, le ki di ni mɔmɔk tun ti tii Ubɔr Hasael ipiin; le u di waajab siir cha Jerusalem aatiŋ kaa ki tak ki.

2 Bibɔrb 13:22

Jehoahas aanaan aayoonn mɔmɔk ni, Siria aatiŋ aabɔr Hasael nan muk Israel yaab pam,

2 Bibɔrb 13:3

Kina pu le Uwumbɔr aaŋuul nan fii Israel aanib pu, le u cha Siria aatiŋ aabɔr Hasael ni ujapɔɔn Ben‑Hadad nan nyaŋni Israel yaab n‑yoonn mu mɔk bi di biyil kpaa tɔb na.

2 Bibɔrb 13:7

Jehoahas aa nan ki kpa bijab bi kpa tijawan na; bitandam piiŋmu, ni tɔroku tiib kipiik, ni bitaabɔndam ŋichur kipiik baanja le nan gur. Siria aatiŋ aabɔr nan taa taa bi gur na ŋmal titan ni ke kitangbaak na ki kuln bi.

2 Bibɔrb 15:16

Menahem aah nan nyan Tirsa ki cha na, Tapua aatiŋ aanib aa nan tii u nsan ke u jer, kina pu na, u nan kuln ki ni kaanib, ni lipepel li mann goln ki na. U nan kpaan saa gbir bipiipudam mɔmɔk aapuu.

2 Bibɔrb 4:28

Le upii ngbaan nan bui u ke, “Uninkpel, m nan mee si ubijabo oo? Maa nan bui si ke aa taa fiin maamakl aa?”

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 13:18

Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Hosea 10:14

le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Nahum 3:10

Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.