2 Bibɔrb 7:6 - Uwumbɔr aagbaŋ

⁶ Uwumbɔr nan cha Siria yaab ngbaan ŋun kifuuk ki naahn butɔb aajapaak, ni itaan, ni yaatɔroku tiib na pu, le Siria yaab ngbaan nan dak ke Israel yaab ti pan Hef yaab aabɔr, ni Ijipt yaab aabɔr ni baajab ke bi nan tak bi la.

2 Bibɔrb 7:6 ပူးပေါင်းရင်းမြစ်များ

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

2 Samuel 5:24

Aa yaa nan ŋun ni bi ke binib le aah chuun isui ngbaan paab na kan, buen ti tak bi; ba pu? m ga loln ni pu nsan ki ti nyaŋ Filistia yaab aajab.”

1 Bibɔrb 10:29

ni itaan aatɔroku tiib bi nyan ni Ijipt aatiŋ ni na aatuln. Bima le nan kooh itaan ni itaan aatɔroku tiib tii Hef yaab ni Siria yaab aabɔrb. Bi nan kooh itaan aatɔroku ubaa tikunabr aamombil ikui iloob la, le ki kooh utaan ubaa mɔk tikunabr aamombil nkub ni piiŋmu.

1 Bibɔrb 20:20

le unii mɔk nan ku uja u ni uma jaa na. Siria aajab nan san, le Israel yaab san dii bi ni linimaln, tɔ, Ben‑Hadad nan di utaan san ŋmar, le waajab bi dik itaan pu na bibaa dii u.

2 Bibɔrb 19:7

Uwumbɔr ga cha ubɔrkpaan ngbaan ŋun tibɔr ti ga cha ijawaan chuu u aan u gir buen udo aatingbaln ni na, nima chee le Uwumbɔr ga ti cha bi ku u.”

2 Bibɔrb 7:5

Le naah bi bɔnni na, bi buen Siria yaab aakakaa chee, tɔ, baah ti fuu na, ubaa aa nan ki bi nima.

Job Aagbaŋ 15:21

U ga li ŋun ijawaan aaneel tar utafal ni, le buyoonn u dak ke u fuur na, le binaayukb nan lir u pu.

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 36:9

Naa fuu Asiria aaja u kaa kpa tininkpir na, le ni ka dak ke Ijipt yaab ga tii ni nimi itaan aatɔroku mam ni bijab bi jak itaan ki jaa kijaak na.

Jeremia 46:21

Hali kaah buen ti pan bijab bi pu ke bi nan jan tii ki na aa kpa mpɔɔn ke inaabi na la. Baa nan sil ke bi jan kijaak; bi mɔmɔk nan fenn le ki san. Baadoon aayoonn fuu ni a, baah ga kuln pu na aayoonn le na.

Esekiel 1:24

M nan ŋun naah fii aan naafeen kpa kifuuk ki na pu; kifuuk ngbaan nan naahn nnyusakpem aafuuk la, ki naahn butɔb aajab bi wiir sakpen na aafuuk, ki ki naahn Uwumbɔr Mpɔɔnsakpiindaan aaneel. Ni yaa kaa ki fiir kan, ni kpab naafeen la,

Esekiel 10:5

Tiwan ngbaan aafeen aafuuk nan ti nya lipaal aachiln ni. Ni nan naahn Uwumbɔr Mpɔɔnsakpiindaan aaneel la.

Tibɔkpiirkaan 9:9

Tiwan nibaa bii ibiŋ pu ki naahn tikur la. Yaafeen kpa kifuuk ke itaan ni tɔroku i san cha i ti to butɔb na aah kpa kifuuk pu na.

Bibɔjirb 7:21

Uja mɔmɔk nan nyal sil ki mann goln baadim aakakaa ngbaan, le baadim aajab mɔmɔk san ki gbaa ikuun cha.

1 Samuel 14:15

Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.

1 Samuel 26:6

Le David baa Ahimelek, u ye Hef aanii na, ni Abisai u ye Joab aanaal aan bina ye Seruya na ke, “Ni ponn ni bilee bee, ŋma ga dii mi buen Sɔɔl ni waajab chee?” Le Abisai bui ke, “Min le ga buen.”