2 Bibɔrb 7:5 - Uwumbɔr aagbaŋ

⁵ Le naah bi bɔnni na, bi buen Siria yaab aakakaa chee, tɔ, baah ti fuu na, ubaa aa nan ki bi nima.

2 Bibɔrb 7:5 ပူးပေါင်းရင်းမြစ်များ

2 Bibɔrb 7:4

Taan ŋmaa ki koo kitiŋ ponn ni, ba pu? nkon le ga ti ku timi nima; le ti yaa ti ki ka do mu kan, ti ga ki kpo. Kina pu na, cha ti buen Siria yaab aakakaa chee; kookoo aawan ni bi ga ŋa timi na le ye ke bi ku timi, nibaa mu kan, bi ga di cha timi.”

2 Bibɔrb 7:6

Uwumbɔr nan cha Siria yaab ngbaan ŋun kifuuk ki naahn butɔb aajapaak, ni itaan, ni yaatɔroku tiib na pu, le Siria yaab ngbaan nan dak ke Israel yaab ti pan Hef yaab aabɔr, ni Ijipt yaab aabɔr ni baajab ke bi nan tak bi la.

Esekiel 12:12

Ujojoor u joo bi na ga di waatuln buŋ ubɔgbiln pu ki loon dii liboln li bi chee ligoln ni tii u na libɔmbɔln ni ki san. U ga poo biin unimbil pu, kaan li waa waah cha nin chee na,

Liifai Yaab 27:26

Uwumbɔr le yeh kiwakork mɔk aajan aabo, nima pu na, ni taa ki di ni tii u, nimi aageehn aapiin. Ni yaa ye unaabo, bee upihbo, bee uŋobo kan, ni mɔmɔk ye Uwumbɔr yaan la.

Liifai Yaab 27:8

Uja u puu tipuur ngbaan na yaa ye ugiin, kaan ŋmaa pa maah siin pu na kan, u li joo ni waah ban u di unii u pa na utotoor chee, le utotoor ngbaan ga siin kidaak ki diin na, ki ŋeer upɔndaan aah ga ŋmaa pa pu na.

Ikaal 28:7

“Uwumbɔr ga nyaŋ nimi aadim bimɔk tak nimi na; bi ga nya lipepel libaa wɔb le ki nan tak nimi, le ni ga nyaŋ bi, aan bi san yaa ŋipepel mɔmɔk.

Ikaal 32:25

Butɔb ponn ni le bi ga ku nimi aanib bil isanja pu, le ijawaan ga pii nimi nido, ŋichin ni. Le binachipɔm ni bisapɔm ga kpoi, kina le ga pii mbim ni bininkpiib mu.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

1 Samuel 30:17

Kitaak ki ga woln na aachakpitaawoln le David nan ti tak bi, le bi jan ki ti joor kijook. Binachipɔm ikui inaa baanja bi nan diŋ laakumii tiib pu ki san na le nan ŋmar, bi gur na mɔmɔk nan bee butɔb ngbaan ni.