2 Bibɔrb 7:4 - Uwumbɔr aagbaŋ

⁴ Taan ŋmaa ki koo kitiŋ ponn ni, ba pu? nkon le ga ti ku timi nima; le ti yaa ti ki ka do mu kan, ti ga ki kpo. Kina pu na, cha ti buen Siria yaab aakakaa chee; kookoo aawan ni bi ga ŋa timi na le ye ke bi ku timi, nibaa mu kan, bi ga di cha timi.”

2 Bibɔrb 7:4 ပူးပေါင်းရင်းမြစ်များ

2 Samuel 14:14

Ti mɔmɔk ga kpo, ti naahn nnyun mu kpir kitiŋ, aan baan ki ŋmaa faa mu na la. Hali Uwumbɔr ubaa aa cha binib bi kpo na ki gir ni limɔfal ni, le ubɔr ma tee ga ŋmaa kan nsan ki cha unii u san kikusɔŋ na gir ni.

2 Bibɔrb 6:24

Ni nan bi kina le ki cha, le Siria aatiŋ aabɔr Ben‑Hadad di waatɔb aajab mɔmɔk buen ti tak Israel yaab, ki ti maa maa ŋibimbin tam tam Samaria aatiŋ aagon.

2 Bibɔrb 7:5

Le naah bi bɔnni na, bi buen Siria yaab aakakaa chee, tɔ, baah ti fuu na, ubaa aa nan ki bi nima.

1 Bibɔrb Aabɔr 12:19

Manase aanibol ni aajab bibaa nan buen ti kpee David pu, buyoonn u ni Filistia yaab nan cha bi ti faa Ubɔr Sɔɔl butɔb na. Mbamɔn, Filistia aabɔrb nan san ijawaan ke nibaakan David ga di bi kooh waaninkpel Sɔɔl pu, kina le bi nan cha u gir Siklag aatiŋ ni. Kina pu na, David aa nan ter Filistia yaab butɔb ngbaan ni.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.