2 Bibɔrb 7:2 - Uwumbɔr aagbaŋ

² Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb 7:2 ပူးပေါင်းရင်းမြစ်များ

Mpiin 7:11

N‑yoonn mu Nowa ti saa ŋibin ikui iloob na, uŋmaleler aawiin kipiik ni ilole daal, le kitiŋ puu nnyun sakpen, le kitaapaak chuu piir,

2 Bibɔrb 5:18

Kina pu na, m yaa cheen maaninkpel ke u ti doon Siria aawaal Rimonn, laawaadiik ni, ki yaa gbaan nima chee kan, Uwumbɔr ga di cha pinn mi. M nyi ke u ga di cha pinn mi.”

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Ilahn 78:41

Bi tɔŋni Uwumbɔr, ki ki gir tɔŋni u, ki cha uma Israel yaab Aawumbɔr u bi chain na aasui bii.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Nkahm 11:13

La chee m ga kan tinann aan ti ŋeer kinipaak kee? Bi bi len n‑yoonn mɔmɔk ke bi ban tinann la.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Rom Yaab 3:3

Bi ponn ni bibaa yaa kaa gaa Uwumbɔr ki kii kan, ni ye ba? Baah kaa gaa u ki kii na, Uwumbɔr aan gbiin waa puu tipuur ti na aa?

Ikaal 3:27

Li cha Pisga Aajool aapaacham, ki ti lik ŋŋangan wɔb ki ti saa ŋŋangii wɔb, ki ki lik liwipuul wɔb ki ti saa liwilir wɔb. Saah waa tiwan nimɔk na, aa lik ni mbamɔm, ba pu? saa kpa nsan ke aa puur Jɔɔdann Aamɔɔl.

2 Timoti 2:13

Ti yaa kaa ye mbamɔndam kan, uma beenin ye mbamɔndaan la, waan ŋmaa yii uma ubaa aabimbin.”