2 Bibɔrb 7:18 - Uwumbɔr aagbaŋ

¹⁸ Elaisa fe tuk ubɔr ngbaan, ke joo cha ni fen kinakokoona, bi ga kooh njikaabim mu ŋan sakpen na kuruwaa bitaa, tikur aamombil libaa, ki ga kooh muken mu kuruwaa biloob, tikur aamombil libaa, Samaria aatiŋ ni do.

2 Bibɔrb 7:18 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

2 Bibɔrb 6:32

le ki tun ntuun ke mu ti joo ni Elaisa. N‑yoonn mue na, Elaisa nan ka bininkpiib bi nan dan ke bi nan mann u na chee. Waahr aan ubɔr aatuun ngbaan nin fuu ni na, Elaisa nan bui bininkpiib ngbaan ke, “Unikur na tun ni unii ke u nan ku mi la. Tɔ, udaan yaa nan fuu ni kan, ni di kidiik piin ki taa cha u koo ni. Ubɔr ubaa ga paan ni u pu dandana.”

2 Bibɔrb 7:19

Waah len kina na, le uninkpel ngbaan mu len ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.