2 Bibɔrb 7:17 - Uwumbɔr aagbaŋ

¹⁷ Ni nan di ŋa ke ubɔr nan cha ujɔ le ye mbisamɔb aaninkpel liyaadaal ngbaan. Binib aah nan chii pu ke bi nya na, le bi tur uninkpel ngbaan lii ki taa taa ku u nima, le ni gbiin Elaisa aah fe len pu n‑yoonn mu ubɔr fe dan u chee na.

2 Bibɔrb 7:17 ပူးပေါင်းရင်းမြစ်များ

2 Bibɔrb 5:18

Kina pu na, m yaa cheen maaninkpel ke u ti doon Siria aawaal Rimonn, laawaadiik ni, ki yaa gbaan nima chee kan, Uwumbɔr ga di cha pinn mi. M nyi ke u ga di cha pinn mi.”

2 Bibɔrb 6:32

le ki tun ntuun ke mu ti joo ni Elaisa. N‑yoonn mue na, Elaisa nan ka bininkpiib bi nan dan ke bi nan mann u na chee. Waahr aan ubɔr aatuun ngbaan nin fuu ni na, Elaisa nan bui bininkpiib ngbaan ke, “Unikur na tun ni unii ke u nan ku mi la. Tɔ, udaan yaa nan fuu ni kan, ni di kidiik piin ki taa cha u koo ni. Ubɔr ubaa ga paan ni u pu dandana.”

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb 9:33

le Jehu bui bi ke, “Di u mee lii ni man.” Le bi di u mee lii ni kitiŋ, le waasin yaa ligoln, ni itaan pu. Jehu nan di waataan ni tɔroku jer u pu,

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

Bibɔjirb 20:43

Israel yaab nan chɔb chuu baadim la, le ki nan ka bi pu, kaa di cha kina ki ti saa Gibea aawipuul wɔb, ki ku bi cha.