2 Bibɔrb 7:15 - Uwumbɔr aagbaŋ

¹⁵ Bijab ngbaan nan di kina ki ti saa Jɔɔdann Aamɔɔl chee, le ki kani nsan ni Siria yaab ngbaan aah san aan baawanpeenkaan ni baajawan lir pu na. Le bi gir ki ti tuk ubɔr baah kan pu na.

2 Bibɔrb 7:15 ပူးပေါင်းရင်းမြစ်များ

2 Bibɔrb 7:14

Bi nan nyan bijab bibaa, le ubɔr di itaan aatɔroku tiib bilee tun bi, ki tuk bi ke bi li cha ki ti lik ke ba ŋa Siria aatɔb aajab.

2 Bibɔrb 7:16

Le Samaria aanib chii nyan baatiŋ ni ki ti yoor yoor Siria yaab ngbaan aawan. Le Uwumbɔr aah nan len pu na, bi daa njikaabim mu ŋan sakpen na kuruwaa bitaa, tikur aamombil libaa, ki daa muken mu kuruwaa biloob, tikur aamombil libaa.

Esta 1:7

Bi nan nyu ndaan salmaa aayikur ni la, le ti mɔmɔk bi tibaabaa kaa kpaan; le ubɔrkpaan ngbaan di mbɔrdaan chann tichann.

Job Aagbaŋ 2:4

Le kinimbɔŋ gar u ke, “Unii ga ŋmaa di waawan mɔmɔk pa waamɔfal pu.

Ulandaan 3:6

U siin n‑yoonn mu aa ga di ban kan tiwan na, le ki siin n‑yoonn mu tiwan ga wɔŋ na, n‑yoonn mu aa ga li ban bilni na bi, le n‑yoonn mu aa ga li yoor mae na mu bi,

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 2:20

Nwiin ngbaan yaa fuu ni kan, bi ga di baah di salmaa ni tikunabr maa ŋiwaa ŋi na mee, ki san cha ŋi, ki di ŋi tii ŋinaasɔn ni tinanjenn.

Aisaya 22:24

“Le waamaal ni aanib bimɔk ji u pu na ga li ye lituln le ki tii u. Bi ga li lun u pu ke ituun ni tiyir aah lun nkpaa pu pu na la.

Aisaya 31:7

Naah nan tun mi taani ki di tikunabr ni salmaa di naan ŋiwaa ŋi na, n‑yoonn mubaa choo le ni mɔmɔk ga di ŋi lii.

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Hiibru Yaab 12:1

Tɔ, n‑yaayoonn na aanib bi nan gaa Uwumbɔr ki kii na wiir pam, ki gonn timi, ki lik taah dii Uwumbɔr aasan pu na. Nima pu na, cha ti di tiwan nimɔk leŋ timi na lii, ki di cha titunwanbir ti dii timi na, ki li kpa limɔr, ki li dii Uwumbɔr aasan.