2 Bibɔrb 7:13 - Uwumbɔr aagbaŋ

¹³ Le bininkpiib ngbaan ponn ni ubaa bui ke, “Binib bi bi kitiŋ ni na aamɔfal junn ke binib bi kpoi na la. Kina pu na, cha ti tun bijab bibaa aan bi di itaan i gur na ponn ni iŋmu buen ki ti lik tiwan ni ŋa na.”

2 Bibɔrb 7:13 ပူးပေါင်းရင်းမြစ်များ

2 Bibɔrb 5:13

Waatutum nan buen u chee le ki ti bui u ke, “Uninkpel, Uwumbɔr aabɔnabr ngbaan yaa ba bui si ke aa ŋa tiwanpɔɔl nibaa le kan, kina aa ba ŋa ni. Tɔ, ba ŋa saan ŋmaa buen ki ti finn aabaa waah bui si pu na ki pɔɔk?”

2 Bibɔrb 6:33

U laa bi len kina, le ubɔr kpaan fuu ni ki nan bui ke, “Uwumbɔr le cha tibɔbir timina dan ti pu. Maan ki ŋmaa kiir u ke u ki ŋa nibaa.”

2 Bibɔrb 7:12

Ni nan beenin ye kinyeek la, tɔ, ubɔr mu nan tee fii ngeen pu, le ki bui waajab aaninkpiib ke, “M ga bui nimi Siria yaab ngbaan aah ban bi ŋa pu na. Bi nyi nkon mu bi kitiŋ kee ni na aabɔr, kina pu le bi buen bi ti bɔr timoor ni. Bi dak ke ti ga nyan kitiŋ ni ke ti ti ban tijikaar, le bi ga chur timi ki nyaŋ kitiŋ kee.”

2 Bibɔrb 7:14

Bi nan nyan bijab bibaa, le ubɔr di itaan aatɔroku tiib bilee tun bi, ki tuk bi ke bi li cha ki ti lik ke ba ŋa Siria aatɔb aajab.

2 Bibɔrb 7:4

Taan ŋmaa ki koo kitiŋ ponn ni, ba pu? nkon le ga ti ku timi nima; le ti yaa ti ki ka do mu kan, ti ga ki kpo. Kina pu na, cha ti buen Siria yaab aakakaa chee; kookoo aawan ni bi ga ŋa timi na le ye ke bi ku timi, nibaa mu kan, bi ga di cha timi.”

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Inandalahn 4:9

Binib bi nan kpoi butɔb ni na aakun nan soor ni bi kpo puwɔb na, nkon le nan ku bima ngbaan, le tijikaar aa nan bi, bi ji ki ŋmar.