2 Bibɔrb 7:10 - Uwumbɔr aagbaŋ

¹⁰ Le bi nan nyan Siria yaab aakookoo yaan ngbaan ni, ki gir buen Samaria aatiŋ ni, ki ti teen bui bikikiib bi kii ibisamɔi na ke: “Ti buen Siria yaab aakookoo yaan ni, kaa ti kan unii ubaa, kaa ŋun ubaa pu; itaan, ni ibon beenin si gbin la, le Siria yaab ngbaan aah siir cha baaboo ŋi na beenin bi kina.”

2 Bibɔrb 7:10 ပူးပေါင်းရင်းမြစ်များ

2 Samuel 18:26

Le ukikiir ngbaan ki kan uja uken mu ki san choo, le u ki teen bui ni mbisamɔb aakikiir ke, “Lik, uja uken mu ki san choo.” Le ubɔr gar ke, “U mu ki joo ni tibɔnyaan la.”

2 Bibɔrb 7:11

Bikikiib ngbaan nan di tibɔr ngbaan moon, le bi ti len ti libɔrdichal ni.

2 Bibɔrb 7:9

N‑yaayoonn ngbaan le bi bui tɔb ke, “Naa ŋan ke ti li bi ŋani kina. Ti joo tibɔnyaan la, ni mu aa ŋan ke ti li joo ti tibaa. Ti yaa ban ke ni ti woln waahr aan ti nin len ti kan, ti ga kan ntafadaan. Cha ti siir man libuul lee ni, ki ti bui ubɔr aaninkpiib.”

1 Bibɔrb Aabɔr 16:38

Jedutunn aajapɔɔn Obed Edom, ni waataŋaal pu yaab bijab imonko itaa ni biniin le nan ter bi. Hosa ni Obed Edom le nan ye binib bi kiir ibisamɔi na.

2 Bibɔrb Aabɔr 23:19

Jehoyada nan ki ban bikikiib kaan Uwumbɔr Aadichal aabisamɔi ke bi li kiir binib bi mɔmɔk aa bi chain na aan bi taa koo li ponn ni.

Ilahn 127:1

Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.