2 Bibɔrb 5:7 - Uwumbɔr aagbaŋ

⁷ Israel yaab aabɔr aah karn kigbaŋ na, le usui bii, le u daa kar waawanpeenkaan ki teen mpɔɔn pu ke, “Siria aatiŋ aabɔr ban ke m ŋa kinye aan ki cha uja wee pɔɔk? U dak ke m ye Uwumbɔr u kpa limɔfal ni nkun aapɔɔn na la aa? Nimina dɔ mpaan pu ke u ban u tak mi la.”

2 Bibɔrb 5:7 ပူးပေါင်းရင်းမြစ်များ

Mpiin 30:2

Jakob aaŋuul nan fii Rachel pu pam, le u bui u ke, “Maa ye Uwumbɔr ki gaa waatuln tun tii u. Uma le aa tii si mbim.”

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 50:19

Le Josef nan bui bi ke, “Taa san ijawaan man. Maan ŋmaa di mbaa ŋaŋ Uwumbɔr.

2 Samuel 1:11

Mpombiin pu le David daa kar waawanpeenkaan, le waajab mu ŋa kina.

1 Bibɔrb 20:7

Ubɔr Ahab nan yin ni bisalolm bi mɔmɔk bi kitiŋ ngbaan mɔmɔk pu na ki nan bui bi ke, “Ni kan ke uja wee ban u kuln timi la. U tun ni ke m tii ni mpuutiib, ni maabim, ni maakunabr ni salmaa, le m kii.”

2 Bibɔrb 11:14

Nima chee le u ti kan ubɔrpɔɔn ngbaan si Uwumbɔr Aadichal aajaatɔlk chee, nkaal aah mɔk ke bi ŋa ubɔr pu na. Butɔb aajab aaninkpiib ni binib bi pii kakaan tiib na le nan si gob u, le binib ngbaan mɔmɔk kpa mpopiin aafuuk ki pii kakaan tiib. Atalia nan daa kar waawanpeenkaan mpombiin pu, le ki teen mpɔɔn pu ke, “Linibiil, linibiil.”

2 Bibɔrb 18:37

Le Eliakim, ni Sebna, ni Joa daa kar kar baawanpeenkaan mpombiin pu, ki buen baabɔr Hesekia chee ki ti bui u Asiria aajab aaninkpel ngbaan aah len pu na.

2 Bibɔrb 5:6

Waah nan joo kigbaŋ ki na len ke, “Kigbaŋ kimina le ga di maajab aaninkpel Naamann mɔk si. M ban ke aa cha waaween sɔŋ la.”

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Daniel 2:11

Mpɔɔndaan aah ban u bee tiwan ni na pɔɔ sakpen a, le unibɔn ubaa aan ŋmaa ŋa kina see ŋiwaa, ŋi mu aa koo binibɔm chee na.”

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Nkahm 14:6

Le Nunn aajapɔɔn Josua, ni Jefune aajapɔɔn Kaleb, bima bilee ngbaan mu nan dii bipepekb ngbaan buen, le bisui nan bii, le bi chuu baawanpeenkaan daa kar.

Matiu 26:65

Waah len kina na, le Uwumbɔr aatotoorninkpel chuu kar ubaa aawanpeenkaan, le ki bui ke, “U di ubaa ŋaŋ Uwumbɔr la. Taa ki ban seeraadam. Ni ŋun waah sii Uwumbɔr pu na.

Tibɔnyaan ti Luk ŋmee ti na 11:54

ki ban bi pen u nlan ki kan waataani aan ki galn u.

Lituln 14:14

Le Banabas ni Pɔɔl ŋun baah ban bi ŋa pu na. Baah ŋun kina na, le bi chuu kar baabɔkur, le ki san koo kinipaak ngbaan aakaasisik ni, ki tar ke,

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

1 Samuel 2:6

Uwumbɔr ku la, le ki ki tii limɔfal; u cha binib chaa kitekpiitiŋ ni, le ki tii binib limɔfal.