2 Bibɔrb 5:26 - Uwumbɔr aagbaŋ

²⁶ Le Elaisa bui u ke, “Uja ngbaan aa ba nyan waatɔroku ni ki tooh ni si nsan pu na, maawiin aa ba bi nima chee ee? N‑yoonn mue aa ye n‑yoonn mu unii ga gaa ilik, ni tiwanpeenkaan, ni olif aasui aasar, ni ŋisubil aasui aasar, ni ipiih, ni inaa, bee binaagbiib na.

2 Bibɔrb 5:26 ပူးပေါင်းရင်းမြစ်များ

Mpiin 14:23

ke maan joo saawan nibaa. Hali ni yaa ye tikokonn, bee linaatakl aagban kan, maa ban ni. Nima kan, saan ŋmaa len ke sin le ŋa Abram uwankpadaan.

2 Bibɔrb 5:16

Le Elaisa gar u ke, “M puu maah dii Uwumbɔr u, aan u bi n‑yoonn mɔmɔk na aayimbil pu, ke maan gaa aa chee ipiin ibaa.” Naamann nan muk u ke u gaa, le u yii kaan gaa.

2 Bibɔrb 6:12

Le bi ponn ni ubaa gar u ke, “Mpɔɔndaan, ubaa aa bi. Uwumbɔr aabɔnabr Elaisa le tuk u saah len pu na. Hali aa yaa bi saadiik ni le ki loon len ti kan, u ga ŋun.”

Ilahn 63:11

Uwumbɔr aah tii ubɔr linyaŋ pu na, le u ga li mɔɔni. Binib bi puur tipuur Uwumbɔr aayimbil pu na ga pak u, le binyamɔndam ma aamɔi ga ŋmin.

Ŋiyataŋak 12:19

Nnyamɔn aa yunni, le mbamɔn ma aa kpa ndoon.

Ŋiyataŋak 12:22

Uwumbɔr aa gee binyamɔndam, le ki kpa mpopiin binib bi len ibamɔn na pu.

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Hagai 1:4

“Maanib, ba ŋa ni koo ŋidichal ŋi ŋan na ponn ni, aan maadichal ma ber ki dɔ?

Matiu 10:8

ki cha bibum pɔɔk, ki li fikr binib bi kpo na, ki cha bikɔndam pɔɔk, ki nyan tiyayaar ni bipɔnib binib ni. Ni kan mpɔɔn, kaa pan nibaa. Ni mu li tii bibum laafee, ki taa li ban tipar.

Lituln 20:33

Maah nan bi ni chee na, maa nan ban unii ubaa aamombil, kaa ban unii ubaa aawanpeenkaan.

Lituln 20:35

Maah tun lituln kina na, m mɔk nimi ke ni mu li tun kina, ki ter bibum, ki li teer ke Tidindaan Yesu ubaa nan len ke, ‘Uwumbɔr aanyoor bi unii u tii na pu ki jer u gaa na pu.’”

Lituln 5:9

Le Piita baa u, “Ba ŋa aa ni aachal mɔmɔk kpaan kimɔbaan ke ni ga tɔŋ Uwumbɔr Aafuur Nyaan? Lik, binachipɔm bi sub aachal na fuu ni mbisamɔb. Le bi ga yoor aa mu ki nya lipaal.”

1 Korenti 5:3

Mma kan, nwon aa bi ni chee, maalandak mu tee bi ni ni. Nima pu na, m puun siin unii u ŋa kina na ntafadaan, ke maah bi ni chee le na.

Kolosiya 2:5

Maawon aa bi ni chee, le maalandak bi ni ni. Naah gaa Kristo ki kii mbamɔm ki dii waasan mu mbamɔm na, nima le m kpa mpopiin sakpen.