2 Bibɔrb 5:22 - Uwumbɔr aagbaŋ

²² Le Gehasi gar u ke, “Nibaa aa ŋa. Maaninkpel le tee tun ni mi ke dandana le Uwumbɔr aabɔnabtiib bi bi Efraim aagongon aatiŋ ni na bilee fuu ni, le u ban ke aa tii ni bi tikur aamombil ŋichur ŋitaa, ni tiwanpeenkaan ni ŋan mbamɔm na ŋiker ŋilee pu.”

2 Bibɔrb 5:22 ပူးပေါင်းရင်းမြစ်များ

1 Bibɔrb 13:18

Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

1 Bibɔrb 20:35

Uwumbɔr aamɔboln pu le waabɔnabr ubaa nan bui uŋeen aatɔtiib ponn ni uken ke u faa u. Le uma ngbaan yii,

1 Bibɔrb 20:39

Ubɔr ngbaan aah nan bi jer na, le Uwumbɔr aabɔnabr ngbaan teen bui u ke, “Maaninkpel, m ba bi butɔb ni, le butɔb aaja ubaa joo ni baah chur bidim bi na ubaa nan tii mi ki bui ke, ‘Li kii uja wee; u yaa san kan, aa ga di saamɔfal le pa, naa ye kina kan, aa ga pa tikunabr aamombil ŋichur ŋitaa.’

2 Bibɔrb 2:15

Uwumbɔr aabɔnabtiib piiŋmu bi nan nyan ni Jeriko na nan kan u le ki bui ke, “Elaija aapɔɔn bi Elaisa pu.” Bi nan tooh u nsan pu, le ki gbaan unimbiin ni,

2 Bibɔrb 2:3

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:5

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:7

le Uwumbɔr aabɔnabtiib piiŋmu dii bi buen Jɔɔdann Aamɔɔl ni. Elaija ni Elaisa nan ti sil limɔɔl ngbaan aanyun chee, le bibɔnabr piiŋmu na mu sil dandar siib.

2 Bibɔrb 4:26

Tooh u nsan pu mala ki ti baa lik ke udo ŋan aan naa ŋan; baa uchal, ni ujapɔɔn bɔr.” Upii ngbaan nan bui Gehasi ke tiwan mɔmɔk ŋan u chee,

2 Bibɔrb 5:21

le ki di siir paan Naamann pu. Naamann aah kan ke unii san paa ni u pu na, le u nyan waatɔroku ni ki tooh u nsan pu, ki baa ke, “Tibaa le ŋa aa?”

2 Bibɔrb 5:25

U nan gir koo lichiln ni, le Elaisa baa u ke, “Aa nyan ni la chee?” Le u gar u ke, “Uninkpel, maa buen nibaa.”

2 Bibɔrb 5:5

Le ubɔr ngbaan bui u ke, “Gaa kigbaŋ kimina, ki li cha Israel yaab aabɔr chee.” Le Naamann nan nyan kal nsan pu, ki joo tikunabr aamombil ŋichur piitaa, ni salmaa aamombil ŋichur ŋiloob, ni tiwanpeenkaan mu ŋiker kipiik.

Aisaya 59:3

Ni ye binyamɔndam, binib bi ban kijaak na, ni binikurb la.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Josua 24:33

Aaronn aajapɔɔn u bi nan yin u ke Eleasar na mu nan kpo, le bi nan di u sub Gibea aatiŋ ki bi nan di ki tii ujapɔɔn Fineas, aan ki bi ŋigongon ni, Efraim yaab aapepel ni na.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Bibɔjirb 14:12

Samsonn nan bui bi ke, “Cha m ŋakl nimi liyataŋakl libaa. Ni yaa ŋmaa tuk mi laatataa aan tibɔndinn aajim mue aawiin ilole nin fuu kan, m ga tii ni mɔmɔk ubaabaa litanyaan, ni tiwanpeenkaan nyaan. Ni yaa kaa ŋmaa tuk mi laatataa kan, nimi le ga tii mi ŋitanyaan piitaa ni tiwanpeenkaan nyaan piitaa.” Bi nan bui u ke, “Ŋakl saayataŋakl ngbaan aan ti ŋun.”