2 Bibɔrb 5:17 - Uwumbɔr aagbaŋ

¹⁷ Le Naamann bui u ke, “Saan gaa maapiin kan, tee cha m faa do aatan tun maawakor tilee ki di kun, ki nyan din ki joo cha, maan ki toor kitork, kaan ki see kitork mmii ni tii liwaal libaa see Uwumbɔr baanja.

2 Bibɔrb 5:17 ပူးပေါင်းရင်းမြစ်များ

2 Bibɔrb 5:12

Naa kpaan ye kina ngbaan, Damaskus aamɔɔ Abana ni Fapar aa ŋan jer Israel aamɔɔ mɔmɔk aa? M ba ga ŋmaa fu ŋaanyun ki pɔɔk.”

2 Bibɔrb 5:18

Kina pu na, m yaa cheen maaninkpel ke u ti doon Siria aawaal Rimonn, laawaadiik ni, ki yaa gbaan nima chee kan, Uwumbɔr ga di cha pinn mi. M nyi ke u ga di cha pinn mi.”

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Rom Yaab 14:1

Tɔ, unii u gaa Yesu ki kii, ki mu aa bee waasan mbamɔm na, ni gaa u man. Ni mu taa kpak u kinikpakpak waah joo beeni pu na pu.

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.