2 Bibɔrb 5:14 - Uwumbɔr aagbaŋ

¹⁴ Kina pu le Naamann nan buen Jɔɔdann Aamɔɔl ni, le ki ti di ubaa pɔɔn nnyun ni nfum mulole, Elaisa aah tuk u ke u ŋa pu na, le waaween ngbaan doo pel pel. Uwon nan pɔɔk ki jɔŋ pɔl pɔl ke ubo aawon na.

2 Bibɔrb 5:14 ပူးပေါင်းရင်းမြစ်များ

1 Bibɔrb 17:16

Uwumbɔr aah cha Elaija puu tipuur ti na, n‑yon aa nan doo lisambil ngbaan ni, le nkpan mu aa doo likpasambil ni.

2 Bibɔrb 4:35

Elaisa nan fii, le ki chuun gonni kidiik ngbaan ni, le ki ti ki doon paan ubo ngbaan pu. Ubo ngbaan nan chiin nfum mulole, le ki likr unimbil.

2 Bibɔrb 5:10

Le Elaisa tun waatutunn ke u ti bui u ke u li cha Jɔɔdann Aamɔɔl ni ki ti fu laanyun nfum mulole, le waaween ngbaan ga doo pel pel.

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Job Aagbaŋ 31:13

Maatutunn ubaa yaa nan len mi tibɔr kan, m nan pel le ki ŋa u mbamɔm.

Job Aagbaŋ 33:25

Le uwon ga ki pɔnn ki pɔɔk;

Nnyam 4:7

Uwumbɔr nan ki bui u ke, “Ki giin aaŋaal ŋa saabɔkul ni.” Le u ŋa kina, le n‑yoonn mu u chuu nyan ni mu na, mu ki pɔɔ, ki bi ke uwon tiken aah bi pu na.

Ŋiyataŋak 9:9

Saah di tiwan nimɔk tuk ulandaan na moo kpae u nlan la. Tiwan ni aa di tuk unii u kpa mbimbinyaan na moo kpae u nlan la.

Liifai Yaab 13:58

Tɔ, u yaa finn tiwan ngbaan, aan lipɔpɔl wuur ki nyan doo kan, u ki gir finn ni lelee, le ni ga ki ŋa chain.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Sekaria 14:8

Nwiin ngbaan daal yaa nan fuu ni kan, nnyunpɔm ga li puu nya ni Jerusalem ni. Ligetekr libaa ga li puu cha N‑yaan Aanyusakpem ni, le liken puu cha Kaasisik ni Aanyusakpem ni. Mu ga li puu n‑yoonn mɔmɔk libiln ni la. Mu ga li puu lipeel ni kiseek ni la.

Tibɔnyaan ti Luk ŋmee ti na 4:27

Uwumbɔr aabɔnabr Elaisa aayoonn na, bikɔndam nan bi Israel yaab ponn ni ki wiir; le Uwumbɔr aa cha bi ponn ni ubaa pɔɔk. Naamann, u nan ye Siria aatiŋ aanii na baanja le u nan cha u pɔɔk.”

Tibɔnyaan ti Luk ŋmee ti na 5:13

Le Yesu taln uŋaal ki meeh u, ki bui u, “M gee. Aa pɔɔk.” Libuul ngbaan ni, le u pɔɔk.

Jɔnn 2:5

Le una bui bitutum na, “U yaa tuk nimi pu na kan, ni ŋa kina.”

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Josua 6:4

Nyan bitotoorb bilole, bi mɔmɔk ubaabaa ga li joo ikpiinja aayiin, ki loln binib bi tu Uwumbɔr Aakaal Aadakaa na pu nsan. Winlole daal kan, aa ni saajab ga chuun mann kitiŋ ngbaan nfum mulole, n‑yoonn ngbaan le bitotoorb bi joo ikpiinja aayiin na pii ikpiin.