2 Bibɔrb 5:13 - Uwumbɔr aagbaŋ

¹³ Waatutum nan buen u chee le ki ti bui u ke, “Uninkpel, Uwumbɔr aabɔnabr ngbaan yaa ba bui si ke aa ŋa tiwanpɔɔl nibaa le kan, kina aa ba ŋa ni. Tɔ, ba ŋa saan ŋmaa buen ki ti finn aabaa waah bui si pu na ki pɔɔk?”

2 Bibɔrb 5:13 ပူးပေါင်းရင်းမြစ်များ

Mpiin 41:43

Ubɔr nan di waataan aatɔroku leler ki di tii Josef ke u koo u ni, le ki cha waajab loln u pu nsan ki di mann Ijipt aatiŋ mɔmɔk, le ki kaani ke, “Gbaan man. Gbaan unimbiin ni man.” Kina le bi nan di Josef ŋa Ijipt aatiŋ mɔmɔk aaninkpekpaan.

1 Bibɔrb 20:23

Ubɔr Ben‑Hadad aaninkpiib nan bui u ke, “Israel aatiŋ aawaa ye ŋijoo paab aawaa la. Nima le nan cha Israel yaab nyaŋ timi. Tɔ, timi ni bima yaa pii tɔb ŋijoo aah kaa bi nin chee na kan, ti ga nyaŋ bi.

1 Bibɔrb 20:31

Waaninkpiib nan buen u chee le ki ti bui u ke, “Ti ŋun ke Israel yaab aabɔrb san kinimbaak. Tii timi nsan aan ti ti gbab tiwan ni saak kuub na tichaŋ ni, ki di iŋmin fin tisil, ki buen Israel yaab aabɔr chee ki ti gaŋ u saamɔfal pu.”

2 Bibɔrb 13:14

Iween i bir sakpen na nan chuu Uwumbɔr aabɔnabr Elaisa, le waah dɔ kibundiik ni na, Israel yaab aabɔr Jehoas buen u ti mann u. U nan wii le ki bui Elaisa ke, “Nte, nte, sin le ye Israel yaab aakikiir kpaan.”

2 Bibɔrb 2:12

Elaisa nan kan kina le ki teen yin Elaija ke, “Nte, nte. Israel yaab aakikiir kpaan. Aa buen a.” Le waa ki kan Elaija kpala. Elaisa nan di mpombiin le daa kar waakpalk nfum mulee pu,

2 Bibɔrb 5:10

Le Elaisa tun waatutunn ke u ti bui u ke u li cha Jɔɔdann Aamɔɔl ni ki ti fu laanyun nfum mulole, le waaween ngbaan ga doo pel pel.

2 Bibɔrb 5:3

Daalbaadaal le u bui waaninkpel ke, “Maaninkpel, aachal yaa ba buen Uwumbɔr aabɔnabr u koo Samaria aatiŋ ni na chee kan, ni ba ga li mɔ mi pam. U ba ga ŋmaa cha waaween ngbaan sɔŋ.”

2 Bibɔrb 6:21

Israel yaab aabɔr aah kan Siria yaab ngbaan na, le u baa Elaisa ke, “Uninkpel, m ku bi ii? M ku bi ii?”

2 Bibɔrb 8:9

Le Hasael nan ban ipiin i ŋan sakpen ki bi Damaskus aatiŋ ni na aabɔŋ aabɔŋ ki di tun laakumii tiib imonko ilee ki di buen Elaisa chee. Hasael aah nan ti kan u na, u nan bui ke, “Saatutunn Ubɔr Ben‑Hadad le tun ni mi ke m nan baa si lik ke u ga fii waabunbunn tee pu aan waan fii.”

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 51:7

Nyan mi maatunwanbir ni, aan m nya chain; finn mi, aan m piir chain ke tikokonn na.

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Matiu 23:9

Ni taa yin ubaa ke ‘Nite’ dulnyaa wee ni; ba pu? ni kpa te ubaa la, le u bi paacham.

Jɔnn 13:8

Le Piita bui u, “Saan finn ntaa daalbaadaal.” Le Yesu bui u, “M yaa kaa finn aataa kan, saan ki li ye maanii.”

Jɔnn 9:7

ki bui u, “Li cha ki ti finn aanimbil nnyunbun mu bi yin mu ke Siloam na ni.” Siloam aatataa le ye ke “Bi tun u.” Le ujoon ngbaan buen ti finn unimbil, le unimbil likr, le u gir ni.

Lituln 22:16

Taa taan. Fiin, ki yin waayimbil ki mee u, ki cha m muin si nnyun ni, ki finn aapobil saatunwanbir pu.’”

1 Korenti 1:21

Uwumbɔr u kpa nlan na len ke dulnyaa wee aalan aa ŋmaa cha binib bee u. Nima pu na, u gaa binib bi gaa Yesu ki kii na lii, kijɔrk aabɔr ti ti joo tuk binib na pu. Waageehn le na.

1 Korenti 1:27

Uwumbɔr nyan binib bi ye bijɔrb dulnyaa ni aanib aanimbil ni na, le ki tee cha binib bi kpa nlan na ji inimɔɔn. U nyan binib bi ye bigiim dulnyaa ni aanib aanimbil ni na, le ki tee cha bipɔɔndam ji inimɔɔn.

1 Korenti 4:15

Ba pu? ni yaa kpa bimɔmɔkb ŋichur kipiik Kristo aasan ni kan, ni kpa te ubaa baanja la. Min le ye nite. Kinye? maah nan tuk nimi tibɔnyaan tee na, le m kpaln nite Yesu Kristo aasan ni.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

1 Piita 3:21

Nnyun ngbaan le ye baah muini binib nnyun ni na aamɔkl. Dandana wee, bi yaa muin nimi nnyun ni kan, ni ŋmar a; ba pu? Yesu Kristo nan fikr nkun ni. Nima le cha ni ŋmar. Bi yaa muin nimi nnyun ni kan, naa ye ke bi fu nimi aawon nnyun tiwon aajɔŋ pu la. Ni ye ke ni di titunwanbir di lii, ki puu tipuur ke ni ga dii Uwumbɔr.

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 28:23

Le Sɔɔl nan yii ki bui ke waan ji nibaa. Le waaninkpiib mu gaŋ u, le u ti nin kii, le ki fii kitiŋ ki kal lijal pu.