2 Bibɔrb 4:38 - Uwumbɔr aagbaŋ

³⁸ N‑yoonn mu nkon nan lir kitiŋ ngbaan mɔmɔk pu na, le Elaisa gir ni Gilgal aatiŋ ni. Uwumbɔr aabɔnabtiib bibaa nan bi u chee, le u bui waatutunn ke u di likumbusakpeln tɔŋ mmii pu ki ŋaa tikpin tii bi.

2 Bibɔrb 4:38 ပူးပေါင်းရင်းမြစ်များ

Mpiin 25:29

Daalbaadaal le Jakob nan bi ŋaa ŋituun aakpin, le Esɔ nyan ni kikpaŋ, le nkon joo u sakpen,

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

2 Bibɔrb 2:1

N‑yoonn nan fuu ni ke Uwumbɔr yoor Elaija kinaakpaajabuŋ ni buen paacham. Elaija ni Elaisa nan nyan Gilgal le ki cha.

2 Bibɔrb 2:3

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

2 Bibɔrb 4:39

Le bi ponn ni ubaa buen ikpaakon ni ke u ti ban ni tikpifar. U nan ti kan timoor ni aapɔlaajol, le ki ker waah ga ŋmaa tun pu na. U nan di ŋi gir ni le ki nan chɔi chɔi le ki di ŋa tikpin ngbaan ni, kaa nyi naah ye tiwan ni na.

2 Bibɔrb 8:1

Elaisa nan tuk upii u nan bi Sunem aatiŋ ni, aan Elaisa nan fikr ujapɔɔn nkun ni na, ke Uwumbɔr ga cha nkon dan kitiŋ ngbaan pu, ki ga yunn ki ti saa ŋibin ŋilole, kina pu na, u ni waadichal nya nima ki buen nibaa chee.

Job Aagbaŋ 30:4

Bi nan dar ŋɔi nteersakpiin ni aasufar ki ŋman ti, bi nan kpaan ŋman tichachabɔnn.

Ŋiyataŋak 8:34

Unii u ŋun tii mi na kpa mpopiin; unii u ka maadichal aabisamɔb, ki ka kii mi iwiin mɔmɔk na ga li kpa mpopiin.

Esekiel 11:3

Bi len le ke, ‘Naan yunn le ti ga ki piin ŋidichal aamaam. Kitiŋ kimina bi ke likumbuul na la, timi le ye tinann ti bi li ponn ni na, li mu tee lek timi mmii.’

Esekiel 11:7

“Kina pu na, min Nidindaan Uwumbɔr aah bi tuk nimi pu na sɔ. Kitiŋ kee sil ye lisaamɔnkumbuul, tɔ, ba ye tinann? Binib bi ni ku na le ye tinann. Naan ki li bi do, m ga jenn nyan nimi kitiŋ kee ni.

Esekiel 14:13

“Unibɔn, kitiŋ yaa tun titunwanbir kaa ki ŋani maah len pu na kan, m ga taln ŋŋaal le ki kuln kaajikaar. M ga tun ni nkon ki ku binib ni tiwakor mu.

Esekiel 24:3

Bui maanib bi yiil maamɔb na liyataŋakl li min Bidindaan Uwumbɔr kpa m di tii bi na: Di likumbuul tɔŋ mmii pu ki ŋa nnyun gbiin li.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Amos 7:14

Le Amos bui u ke, “Maa ye ubɔnabr. Unii ubaa mu aa mɔk mi Uwumbɔr aabɔnabr aatuln. M ye upihkpaal la, le ki lik ŋisubil aasui mu.

Tibɔnyaan ti Mak ŋmee ti na 6:37

Le u bui bi, “Nimi nibaa tii bi tijikaar bi ji man.” Le bi baa u, “Ti ga di iwiin ikui ilee aapal ki daa tijikaar ki nan tii bi, bi ji ii?”

Tibɔnyaan ti Luk ŋmee ti na 10:39

Mata nan kpa naal ubaa, bi yin u ke Mari. Le Mari ka Yesu chee, ki pel waah len pu na.

Tibɔnyaan ti Luk ŋmee ti na 2:46

Iwiin itaa daal le bi ti kan u Uwumbɔr Aadichal ni. U ka bimɔmɔkninkpiib aakaasisik ni, ki pel baah len pu na, ki mu baa bi mbaan,

Tibɔnyaan ti Luk ŋmee ti na 4:25

“Li pel man, Elaija aayoonn na, utaal aa nan nun ŋibin ŋitaa ni iŋmal iloob. Le nkon sakpem lir kitiŋ ngbaan ni. N‑yoonn ngbaan Israel yaab ponn ni bikpopiib nan bi ki wiir.

Tibɔnyaan ti Luk ŋmee ti na 8:35

Binib aah ŋun kina na, le bi dan bi nan lik budabu ŋa na, le ki fuu ni Yesu chee, ki kan uja u tiyayaar nyan u ni na ka Yesu chee ki cheer ki pee tiwanpeenkaan, kaa ki chuun uŋmeen. Le ijawaan chuu bi.

Tibɔnyaan ti Luk ŋmee ti na 8:38

Le uja u tiyayaar nyan u ni na gaŋ Yesu ke u cha u dii u. Le Yesu aa kii, ki bui u,

Tibɔnyaan ti Luk ŋmee ti na 9:13

Le u bui bi, “Nimi nibaa tii bi tijikaar man, bi ji.” Le bi bui u, “Ŋiboroboro kpin ŋiŋmu ni ijan ilee baanja le bi. Aa ban ke ti buen ti daa tijikaar ti ga ŋeer binib ngbaan mɔmɔk na aa?”

Jɔnn 21:5

Le u baa bi, “Binachipɔm, naa kan ijan aa?” Le bi bui u, “Taa kan.”

Jɔnn 21:9

Baah ti fuu nnyun aagbaan ki nyan buŋɔb ni na, bi mui nkoon aamii bi, ujan pu mu ni, le boroboro mu bi.

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 15:36

Naah yunn siib na, le Pɔɔl bui Banabas, “Cha ti gir buen taah nan tuk binib Tidindaan aabɔr ntim mu mɔmɔk ni na, ki ti mann Yesu aanib ki lik ke bi joo Yesu aabɔr kinye?”

Lituln 22:3

“M ye Juu yaab aanii la. Bi nan ma mi Tasus aatiŋ ki bi Silisia aatiŋ ponn ni na la. M nan bae mbaem Jerusalem ni, do chee na la. Gamaliel le nan mɔk mi. M nan bae tiyaajatiib aakaal mbamɔm. Nnimbil nan man Uwumbɔr aatuln pu, ke ni mɔmɔk aah bi pu dandana wee na.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.