2 Bibɔrb 4:13 - Uwumbɔr aagbaŋ

¹³ le Elaisa bui Gehasi ke, “Baa u ke m ga ŋa ba tii u, waah pɔɔni ubaa ki ter timi pu na pu. Nibaakan u ga li neen ke m buen ubɔr chee, bee butɔb aajab aaninkpel chee ki ti len tibɔnyaan tii u.” Le u gar u ke, “M kpa maah ban tiwan ni mɔmɔk maanib ponn ni do na.”

2 Bibɔrb 4:13 ပူးပေါင်းရင်းမြစ်များ

Mpiin 14:24

Maan gaa nibaa ki li joo, see maanib aah jin tijikaar ti nsan ni na. Tɔ, cha Aner, ni Eskol, ni Mamre aanib bi ter mi na kan baah ban pu na.”

2 Samuel 19:13

David nan ki bui bi ke bi ti bui Amasa ke, “Aa ye ndo yoo la. Ki nya din wee ki joo cha, m ga di sin le ŋa maajab aaninkpel, Joab aabuul ni. M yaa kaa ŋa kina kan, Uwumbɔr faa ku mi.”

1 Bibɔrb 2:32

Uwumbɔr ga daa Joab aatafal, waah nan ku binib bi nte David aa nyi ti ponn ni na pu. Joab nan ku binib bilee bi kaa nan tun taani ubaa ki soor u na: u nan ku Israel aajab aaninkpel Abner, ni Juda aajab aaninkpel Amasa.

2 Bibɔrb 4:12

U nan tun waatutunn Gehasi ke u ti yin ni upii ngbaan. Waah nan fuu ni na,

2 Bibɔrb 4:14

Le Elaisa baa Gehasi ke, “M ga ŋa ba tii u?” Le u gar u ke, “Tɔ, waa kpa ubijabo, uchal mu por.”

2 Bibɔrb 8:1

Elaisa nan tuk upii u nan bi Sunem aatiŋ ni, aan Elaisa nan fikr ujapɔɔn nkun ni na, ke Uwumbɔr ga cha nkon dan kitiŋ ngbaan pu, ki ga yunn ki ti saa ŋibin ŋilole, kina pu na, u ni waadichal nya nima ki buen nibaa chee.

2 Bibɔrb 9:5

le ki ti kan butɔb aajab aaninkpiib bi nkuun ni. Le u bui ke, “Uninkpel, m joo inaŋ m tii si.” Le Jehu baa u ke, “Aa len ti ponn ni ŋma chee?” Le u gar u ke, “M len sin la.”

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Rom Yaab 16:2

U nan ter binib pam ki ter m mu. Nima na, ni mu gaa u Tidindaan pu, naah ŋeer Uwumbɔr aanib pu na, ki li ter u waah ga li ban pu na.

Rom Yaab 16:6

Ni doon Mari tii mi. U nan tun lituln pam ki ter nimi.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.