2 Bibɔrb 3:3 - Uwumbɔr aagbaŋ

³ Tɔ, Nebat aajapɔɔn Ubɔr Jeroboam u nan puen u jin nnaan na aah nan bi pu na, u mu bi kina la, le ki nan cha Israel yaab tun titunwanbir kaa di cha.

2 Bibɔrb 3:3 ပူးပေါင်းရင်းမြစ်များ

1 Bibɔrb 13:33

Israel yaab aabɔr Jeroboam aa nan di cha waatunwanbir aatuln, le ki tee beenin nyani bitotoorb imaal i kaa ye bitotoorb aamaal na ponn ni, ke bi li tun ŋitun waah maa ŋibimbin ŋi na pu. Unii umɔk nan len ke u ban u ŋa utotoor na kan, u nan kaani udaan la.

1 Bibɔrb 14:16

Jeroboam aah tun titunwanbir ki cha Israel yaab mu tun pu na le ga cha Uwumbɔr yii Israel yaab.”

1 Bibɔrb 14:9

Aa tun titunwanbir ki jer bijojoob bi nan puen si ki joo kitiŋ na pel pel. Aa yii mi le ki di tikur naan tiwanaankaan ni ŋiwaa ke aa li dooni ŋi, le ki fiin maaŋuul.

1 Bibɔrb 15:26

Ute u nan puen jin nnaan aan u nan nab na aah nan bi pu na, u mu nan tun Uwumbɔr titunwanbir ki cha Israel yaab mu tun kina la.

1 Bibɔrb 15:34

U nan tun Uwumbɔr titunwanbir ke Jeroboam u nan puen u jin nnaan na aah nan tun pu na la, le ki cha Israel yaab mu tun titunwanbir.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

2 Bibɔrb 13:11

U mu nan dii Ubɔr Jeroboam u nan di titunwanbir aatuln mɔk Israel aanib na aasan, le ki tun Uwumbɔr titunwanbir.

2 Bibɔrb 13:2

U nan tun Uwumbɔr titunwanbir ki di Israel yaab mɔk titunwanbir ke Jeroboam u nan puen kal lijal ngbaan pu na la. Waa nan di cha titunwanbir aatuln.

2 Bibɔrb 13:6

Tɔ, baa nan di cha titunwanbir ti Ubɔr Jeroboam nan di mɔk Israel yaab na. Bi nan beenin tun titunwanbir ngbaan; le liwaapii Asera aanaŋ beenin bi Samaria aatiŋ ni.

2 Bibɔrb 14:24

U nan dii Nebat aajapɔɔn Ubɔr Jeroboam u nan puen u kal lijal ngbaan pu, ki nan di titunwanbir mɔk Israel yaab na aabiin aasan, le ki tun Uwumbɔr titunwanbir.

2 Bibɔrb 15:18

U nan tun Uwumbɔr titunwanbir la. U nan dii Nebat aajapɔɔn Jeroboam, u nan di titunwanbir mɔk Israel yaab na aabiin aasan, le ki ti saa waakun daal.

2 Bibɔrb 15:9

U nan bi ke Israel yaab aabɔrb bi nan puen u kal lijal ngbaan pu na la, le ki tun Uwumbɔr titunwanbir ke bima na. U nan dii Nebat aajapɔɔn Jeroboam, u nan di titunwanbir mɔk Israel yaab na aabiin aasan la.

2 Bibɔrb 17:21

Uwumbɔr aah yakr Israel yaab, Juda yaab chee doo na, le Israel yaab di Nebat aajapɔɔn Jeroboam ŋa baabɔr. Jeroboam nan cha bi suln Uwumbɔr bɔr, le ki di bi koon titunwanbir kpaan ni.

2 Bibɔrb 17:22

Bi nan dii Jeroboam le ki tun titunwanbir ti mɔmɔk u tun na,

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 21:16

Manase nan ku binib bi kaa tun taani ubaa na sakpen, le Jerusalem aatiŋ ponn ni nan ti gur ye nsin ŋmeen; u nan ŋa kina le ki di kpee waah nan di ŋiwaa mɔk Juda aanib ki cha bi tun Uwumbɔr titunwanbir pu na pu.

2 Bibɔrb 23:15

Josia nan ki ber Nebat aajapɔɔn Jeroboam u nan di titunwanbir mɔk Israel yaab na aah nan maa tiwaadir ti Betel aatiŋ ni na. Josia nan tur liwaabimbiln ngbaan lii, le ki gbaa wɔi laatakpal, le ki san ŋi, ŋi ti kpaln kitangbaak; u nan ki see liwaapii Asera aanaŋ mu mmii.