2 Bibɔrb 3:19 - Uwumbɔr aagbaŋ

¹⁹ Ni ga gaa baatim mu ŋan ki pɔɔ na mɔmɔk; ni ga per baasubil aasui mɔmɔk lir, ki kpaa baayayak aanyunbun mɔmɔk, ki di ŋitakpal gbiin baakpaakon i aatan nyuun na pu ki bii i.”

2 Bibɔrb 3:19 ပူးပေါင်းရင်းမြစ်များ

Mpiin 21:19

Le Uwumbɔr cha unimbil likr, le u kan nnyunbun nima chee. Le u san buen ti lun nnyun nan tii waabo ngbaan, u nyun, le ki lun nnyun gbiin ntuun na mu.

2 Bibɔrb 13:17

Le ubɔr nan dii Elaisa aah mɔk u pu na, le ki piir takolu u bi Siria aatiŋ wɔb na. Le Elaisa bui u ke, “Too mpiin ngbaan.” Ubɔr aah too mpiin ngbaan na, libuul ngbaan ni le Elaisa teen ke, “Sin le ye Uwumbɔr aapiin mu u ga di nyaŋ Siria yaab na. Aa ni Siria yaab ga ti jan Afek aatiŋ ni ki ti saa buyoonn aa ga nyaŋ bi na.”

2 Bibɔrb 3:25

ki kuln baatim. Bi yaa ti bi jer nkpaakon ni kan, le Israel aanii mɔk di litakpal mee lii mu ponn ni, le ki di ŋitakpal biin ikpaakon ngbaan mɔmɔk pu ti doo; bi nan ki kpaa baayayak aanyunbun, ki per baasubil aasui mu lir. Kookoo na, litiyil Kir Heres le nan ti gur, le bijab bi gbaa ŋifulaatan na, lul goln ki, ki tak ki mu.

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 23:2

Kina pu le u baa Uwumbɔr ke, “M buen ti tak Filistia yaab aa?” Le Uwumbɔr bui u ke, “Een, ti tak bi, ki gaa Keila aatiŋ aanib lii.”