2 Bibɔrb 3:14 - Uwumbɔr aagbaŋ

¹⁴ Le Elaisa gar u ke, “M puu Uwumbɔr u bi n‑yoonn mɔmɔk, aan m dii u na pu ke, m yaa kaa ba pak aamaantɔ Juda yaab aabɔr Jehosafat kan, maa ba ga gar si.

2 Bibɔrb 3:14 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 18:15

Le Elaija gar u ke, “M puu Uwumbɔr Mpɔɔnsakpiindaan u bi aan m dii u na pu ke m ga di mbaa mɔk ubɔr din wee.”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

2 Bibɔrb 5:16

Le Elaisa gar u ke, “M puu maah dii Uwumbɔr u, aan u bi n‑yoonn mɔmɔk na aayimbil pu, ke maan gaa aa chee ipiin ibaa.” Naamann nan muk u ke u gaa, le u yii kaan gaa.

Ilahn 15:4

Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

Jeremia 1:18

Jeremia, li pel. Kitiŋ kee pu aanib mɔmɔk—Juda aabɔrb, ni bininkpiib, ni bitotoorb, ga li kpak si. Tɔ, din wee le m bi tii si mpɔɔn mu aa ga di sil kiir bi na; aa ga li bi ke kitiŋ ki bi maa ŋigon kiir ki na la, ki naahn tikur aagoln, ki bi ke tikumann aagoln na. Baan ŋmaa nyaŋ si, ba pu? m ga li bi aa chee ki kiir si. Min Uwumbɔr le len kina.”

Matiu 22:16

Le bi tun baadidiliib ni Ubɔr Herod aanib bibaa Yesu chee, le bi ti bui u, “Umɔmɔkr, ti bee ke aa len mbamɔn la, ki mɔk timi Uwumbɔr aasan mbamɔm, kaa san unii ubaa ijawaan, kaa pak ubaa ki jer uken.