2 Bibɔrb 3:12 - Uwumbɔr aagbaŋ

¹² Le Ubɔr Jehosafat bui ke, “U ye Uwumbɔr aabɔnabr bamɔnn la.” Kina pu le bibɔrb bitaa ngbaan dii buen Elaisa chee.

2 Bibɔrb 3:12 ပူးပေါင်းရင်းမြစ်များ

2 Bibɔrb 2:21

le u buen uyayak aanyunbun ngbaan chee, le ki ti di n‑yaan ngbaan mee ŋa nnyun ngbaan ni, le ki bui ke, “Uwumbɔr aah len pu na sɔ: ‘M ŋaŋ nnyun mumina, le mu aan ki cha unii kpo, kaan cha upii di lipuul lii.’”

2 Bibɔrb 3:11

Le Ubɔr Jehosafat baa u ke, “Uwumbɔr aabɔnabr ubaa aa bi do aan ti cha u baa Uwumbɔr tii timi ii?” Le Ubɔr Joram aajab aaninkpel ubaa bui ke, “Safat aajapɔɔn Elaisa bi do. U nan ye Elaija aateter la.”

2 Bibɔrb 3:13

Le Elaisa baa Israel yaab aabɔr ke, “M ga ŋa kinye aan ki ter si? Li cha aate ni aana aah nan chaa ŋiwaa aabɔnabr bi chee na.” Le Joram gar u ke, “Aayii. Uwumbɔr le di timi bibɔrb bitaa bimina ŋa Moab yaab aabɔr aaŋaal ni.”

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Jeremia 37:17

N‑yoonn mubaa Ubɔr Sedekia nan tun yin mi, le ki nan bui mi libɔrchiln ni nima, libɔɔl ni, ke, “Uwumbɔr kpa tibɔr u tii timi ii?” Le m gar u ke, “Ti bi. Bi ga di si ŋa Babiloŋ aabɔr aaŋaal ni.”

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.