2 Bibɔrb 25:4 - Uwumbɔr aagbaŋ

⁴ le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

2 Bibɔrb 25:4 ပူးပေါင်းရင်းမြစ်များ

2 Bibɔrb 25:5

Tɔ, Babiloŋ aajab ngbaan nan di paan Ubɔr Sedekia pu, le ki ti chuu u Jeriko aatiŋ pu, le waajab mɔmɔk san cha u.

2 Bibɔrb Aabɔr 32:5

Ubɔr Hesekia nan moo toor Jerusalem aagoln le ki maa tidifɔfɔŋ li paab, ki ki maa ligoln liken lima ngbaan aapuwɔb, ki moo tii kitiŋ ngbaan mpɔɔn. U nan ki ŋa tikpaatunn ni kijaak aapen mu pam.

Nehemia 3:15

Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 22:3

Nimi aaninkpiib mɔmɔk san, kaa kee too mpiin mubaa, le baadim chur bi.

Jeremia 32:4

le Ubɔr Sedekia aan ŋmar. Bi ga di u tii Babiloŋ aabɔr; unimbil ga kan u gbin gbin, le ki len u chee tibɔr.

Jeremia 34:3

Saan ŋmar; bi ga chuu si le ki di si tii u. Aanimbil ga kan u gbin gbin le aa ni uma len tɔb chee tibɔr; le bi di si buen Babiloŋ aatiŋ ni.

Jeremia 38:18

Tɔ, aa yaa yii kaa ti di aabaa tii bi kan, Uwumbɔr ga cha Babiloŋ yaab gaa kitiŋ kimina, ki see ki mmii, le saan ŋmaa ŋmar bi chee.”

Jeremia 4:17

ki ga lul goln Jerusalem ke bijab bi si kii nkpaakon na; ba pu? kaanib nyan Uwumbɔr aapuwɔb. Uwumbɔr le len kina.

Jeremia 4:29

Binib mɔmɔk yaa nan ŋun bitandam ni bipindam pu kan, bi ga san. Bibaa ga san buen kichook ni, biken mu ga jon ŋijootakpal ni. Ntim mɔmɔk ponn ni ga li ye nkuun la, le ubaa aan ki koo mu ni.

Jeremia 44:30

M ga di Ijipt Aabɔr Hofra tii waadim bi ban ke bi ku u na, ke maah di Juda Aabɔr Sedekia tii waadin Babiloŋ Aabɔr Nebukadnesar u nan ban ke u ku u pu na la.”

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Inandalahn 1:3

Juda aanib gur ye binaagbiib bi kaa kpa nterm na la, le bi jenn nyan bi bido. Bi gur koo ntiyayam ponn ni la, kaa kpa nin chee bi ga yin ke baatiŋ na. Baadim le mann goln bi, le baa ki kpa nin chee bi ga dii nya ki ŋmar na.

Inandalahn 1:6

Jerusalem aanyaan gur ye n‑yaayoonn na aawan la. Kaayidam gur naahn ipeeman i nkon joo i na la, i san ke i ŋmar bikpam chee, le yaapɔɔn mɔmɔk ti doo.

Esekiel 12:12

Ujojoor u joo bi na ga di waatuln buŋ ubɔgbiln pu ki loon dii liboln li bi chee ligoln ni tii u na libɔmbɔln ni ki san. U ga poo biin unimbil pu, kaan li waa waah cha nin chee na,

Esekiel 12:14

M ga cha waachiln ni aanib, ni waasusurb, ni waakikiib yaa buen ŋipepel mɔmɔk, le binib ga li chuun ban bi ke bi ku bi.

Esekiel 12:4

Nwiin aah kaa kee lir na, buu saatuln ki li cha kikusɔŋ yaan, aan bi li waa si, ki cha bi kan si kijook wɔb ke saah cha kikusɔŋ le na.

Esekiel 33:21

Taah nan bi tinaagbiir ni pu na aabin kipiik ni lileler ponn ni aaŋmapiik aawinŋmu daal, le uja u nan san ŋmar Jerusalem aatiŋ ni na nan tuk mi ke kitiŋ ngbaan lir a.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.