2 Bibɔrb 24:7 - Uwumbɔr aagbaŋ

⁷ Ijipt aatiŋ aabɔr ni waajab aa nan ki nyan Ijipt aatiŋ ni, ba pu? Babiloŋ aatiŋ aabɔr le nan gur joo lipepel li nan ye Ijipt aapepel na, ki nyan Yufrates Aamɔɔl mɔk ki ti saa Ijipt aaŋangan wɔb aatinaanmɔk.

2 Bibɔrb 24:7 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Jeremia 46:2

U nan di Ijipt aatimbol aabɔr le loln nsan. U nan len Ijipt Aabɔr Neko aajab bi Babiloŋ Aabɔr Nebukadnesar nan nyaŋ bi Kakemis aatiŋ ki bi gbɔk Yufrates Aamɔɔl na aabɔr. Ni nan ye Juda aabɔr Jehoyakim aanaan aayoonn aabinanar ni la. U nan len ke,

Jeremia 46:6

Bijab bi ŋmaa san mala na aan ŋmar; bijab ngbaan aan ŋmaa san ŋmar. Ŋŋangan wɔb, Yufrates Aamɔɔl chee, le bi gbeer ki lir.

Esekiel 30:21

U nan bui ke, “Unibɔn, m koo Ijipt aabɔr aaŋaal a. Ubaa aa di litaln poo mu, kaa di tiwan chuu mu ki di leen usil ke mu sɔŋ ki ki pɔɔk aan u ki di mu chuu kijaak aajuk.

Esekiel 30:22

Tɔ, min Dindaan Uwumbɔr aah len pu na sɔ: M ye Ijipt aabɔr aadin la. M ban m koo uŋaal ilee ngbaan mɔmɔk la, m ga koo mu pɔɔ na ni mu puun koo na, le kijaak aajuk nya uŋaal ni ki lir.

Nkahm 34:5

nima chee le ki ga fenn toŋ kifataŋ ki bi Ijipt aanaanmɔk na, ki ti doo Kaasisik ni Aanyusakpem chee.

Josua 15:4

ki di buen Asmonn aatiŋ wɔb, le ki dii mbun mu bi Ijipt aatiŋ mɔk na, ki ti saa Kaasisik ni Aanyusakpem nin chee kitiŋ mɔk doo na. Juda yaab aatiŋ, ŋŋangii wɔb aanaanmɔk le na.