2 Bibɔrb 24:2 - Uwumbɔr aagbaŋ

² Uwumbɔr nan cha Babiloŋ aajab, ni Siria aajab, ni Moab aajab, ni Amonn aajab dan ki nan tak Jehoyakim le ki kuln Juda aatiŋ. Ni nan ŋa ke Uwumbɔr aah nan cha waatutum bi ye waabɔnabtiib na len ke u ga ŋa pu na la.

2 Bibɔrb 24:2 ပူးပေါင်းရင်းမြစ်များ

2 Bibɔrb 20:17

‘N‑yoonn choo le tiwan nimɔk bi saabɔrchiln ni na, ni tiwan nimɔk aayaajatiib nan di bil ki nan saa din na mɔmɔk ga buen Babiloŋ aatiŋ ni. Nibaa aan gur.

2 Bibɔrb 22:16

Uwumbɔr aabɔr timina ke: “M ban m daa Jerusalem aatiŋ ni kaanib mɔmɔk aatafal ke ubɔr aah karn pu kigbaŋ ngbaan ni na la.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

2 Bibɔrb 6:23

Le Israel yaab aabɔr nan ŋa njim kpaan ki tii bi; baah jin ki nyun doo na, le u giin bi ti tii Siria aatiŋ aabɔr. Ki nyan liyaadaal ngbaan ki joo cha Siria yaab nan di cha, kaa ki looni Israel yaab.

2 Bibɔrb Aabɔr 33:11

Kina pu na, Uwumbɔr nan cha Asiria aatɔb aajab aaninkpiib dan nan koo Juda aatiŋ ni. Bi nan chuu Manase, le ki di ijapiin saar lɔk lɔk u, ki di tikululn baa u, le ki di u buen Babiloŋ aatiŋ ni.

Job Aagbaŋ 1:17

Waahr aan u ti len doo na, le ututunn uken mu fuu ni ki nan bui u ke, “Kaldii aaniker ŋitaa pu le dan ki nan tak timi, ki chur laakumii tiib buen, le ki ku saatutum mɔmɔk, see min baanja. Min baanja le san ŋmar ki dan m nan tuk si.”

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 28:19

Ni ga yun nimi, ki ki gir yun nimi kichakpiik mɔmɔk ni. Ni ga ji falaa ngbaan nwiin pu ni kinyeek. Tibɔchann timɔk Uwumbɔr ga joo ni na ga li joo ni ijawaan pɔɔn la.

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Jeremia 12:9

Maanib bi m lee bi na naahn unyoon u kaasaa mam mann gob u na la. Yin ni ipeel aan i mu nan ji njim ngbaan.

Jeremia 25:1

Juda aabɔr Jehoyakim, u aate nan ye Josia na, aanaan aabinanar ni, le Uwumbɔr nan di Juda aanib mɔmɔk aabɔr tee tuk mi. Babiloŋ aabɔr Nebukadnesar aanaan ni aajan aabiln ni le na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:20

Tɔ, uja ubaa mu ki bi, ki len Uwumbɔr aayimbil pu tibɔbir kitiŋ kee, ni litimbol lee pu, ke Jeremiah aah len pu na. U nan ye Semaya u nyan ni Kiriaf Jearim na aajapɔɔn Uria.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 32:28

M ban m di kitiŋ kimina tii Babiloŋ Aabɔr Nebukadnesar ni waajab la; bi ga nyaŋ ki,

Jeremia 35:11

Le Ubɔr Nebukadnesar aah nan di waajab koo kitiŋ ngbaan ni na, ti nan bui ke ti ga dan Jerusalem ni do ki nya Babiloŋ ni Siria aajab ni. Nima pu le ti koo Jerusalem ponn ni do.”

Jeremia 52:28

Nebukadnesar aah nan chur binib bi tinaagbiir na aakahm sɔ: Waanaan yoonn aabilolole ni, u nan chur binib ŋichur ŋitaa ni moninko ni bitaa la,

Inandalahn 1:17

M taln ŋŋaal le ubaa aan ter mi. Uwumbɔr yin bidim bi nyan ŋipepel mɔmɔk na nan lii m pu. Le bi ŋani mi ke maah ye tijɔŋ aawan nibaa le na.

Esekiel 19:8

Ŋitimbol nan kuun ke ŋi faa u butɔb; binib nan nyan ni ŋipepel mɔmɔk ki dan. Bi nan taln baapɔr ti bi joo chur tinann na, le ki di ti chuu u.

Esekiel 23:23

M ga joo ni Babiloŋ yaab, ni Kaldii yaab mɔmɔk, ni Pekod, ni Soa, ni Koa aajab, ni Asiria yaab mɔmɔk. M ga kuun ni bininyuunyaam bi laa ye binachipɔm na, ni bininkpiib mɔmɔk, ni bininkpekpaam, ni butɔb aajab aaninkpekpaam bi ye bitandam na mɔmɔk.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.