2 Bibɔrb 23:8 - Uwumbɔr aagbaŋ

⁸ U nan di bitotoorb bi bi Juda aatim ni na buen Jerusalem aatiŋ ni, ki nan bii ŋibimbin ŋi mɔmɔk bi nan toor kitork ŋi pu na kitiŋ ngbaan mɔmɔk pu. U nan ki ber ŋibimbin ŋi bi nan maa tii uŋoob aawaal aan li bi kitiŋ ngbaan aayidaan Josua aabisamɔb chee na. Aa yaa chaa koo kitiŋ ngbaan ni kan, kina aabisamɔb ngbaan bi kitiŋ ngbaan aabisamɔbamɔnn na aaŋangan wɔb la.

2 Bibɔrb 23:8 ပူးပေါင်းရင်းမြစ်များ

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 21:31

Nima pu na, bi nan yin nima chee ke Beerseba, ba pu? nima chee le Abraham ni Abimelek nan puu tii tɔb.

Mpiin 26:23

Aisak nan nyan nima le ki buen Beerseba aatiŋ ni.

1 Bibɔrb 15:22

Le Ubɔr Asa tun ti tuk Juda aatim mɔmɔk aanib, kaa gann ubaa, ke bi ti yoor ŋitakpal, ni idɔ ni Baasa nan joo maa ligoln Rama aatiŋ ni na. Asa nan di tiwan ngbaan le maa gob Mispa aatiŋ, ni Geba aatiŋ ki bi Benjaminn aapepel ni na.

1 Bibɔrb 19:3

Elaija nan san ijawaan, le ki san; u nan di waatutunn buen Beerseba aatiŋ ki bi Juda aatiŋ pu na. U nan di waatutunn ngbaan lii nima,

1 Bibɔrb Aabɔr 6:60

Baatim mu nan bi Benjaminn aapepel ni na mu sɔ: Geba, ni Alemef, ni Anatof, ni mu aamoŋmɔpaan. Baatim mu ponn ni bi ni baadichal nan koo na, nan ti kpaan ntim kipiik ni mutaa la.

Aisaya 10:29

Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Esekiel 44:10

Uwumbɔr nan ki bui mi ke, “M ban m daa Liifai yaab ni Israel aanib bi gur ki nan yii mi ki dooni ŋiwaa na aatafal la.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Josua 18:24

ni Kefar Amoni, ni Ofni, ni Geba aatim: ntim ngbaan mɔmɔk nan kpaan saa kipiik ni mulee, ki kpee itingbaan i bi gbɔk mu na.

Josua 21:17

Bi nan nyan Benjaminn aanibol aapepel ntim munaa le tii bi: ntim ngbaan le nan ye Gibeonn, ni Geba,

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.