2 Bibɔrb 23:7 - Uwumbɔr aagbaŋ

⁷ U nan ber binib bi nan joo bibaa kooh tiwaadir ngbaan ni na aakookoo yaan. Nima chee le bipiib nan luu tiwanpeenkaan ni bi joo dooni liwaapii Asera na.

2 Bibɔrb 23:7 ပူးပေါင်းရင်းမြစ်များ

1 Bibɔrb 14:24

Ni nan ti nyaŋ sakpen na le ye ke bipiib ni bijab nan bi idoon aabuu ŋee ni ki joo biwon kooh. Juda aanib nan tun ŋinimɔɔntun ŋi mɔmɔk binib bi Uwumbɔr nan jenn nyan bi n‑yoonn mu Israel yaab nan tur koo baatiŋ ni na nan tun na.

1 Bibɔrb 15:12

U nan jenn nyan bipiib ni bijab bi mɔmɔk nan joo biwon kooh nin chee bi nan dooni ŋiwaa na kitiŋ ngbaan pu, le ki nyan ŋiwaa ŋi mɔmɔk uyaajatiib nan naan naan na.

1 Bibɔrb 22:46

U nan kuln bijab ni bipiib bi mɔmɔk nan joo bibaa kooh, ŋiwaa aatork aabimbin chee, ki tun lituln nima ki nan gur ute Asa aayoonn na.

2 Bibɔrb Aabɔr 34:33

Ubɔr Josia nan gbaa ber ŋiwaa ŋi sukr ponn ni na, Israel yaab aapepel mɔmɔk ni, le n‑yoonn mumɔk u nan bi limɔfal ni na, u nan cha binib ngbaan dii biyaajatiib Aadindaan Uwumbɔr.

Esekiel 16:16

Aa nan di saakeken ŋibaa le toor saah dooni ŋiwaa nin chee na, ki joo aabaa tii unii mɔmɔk ke upiidagoor na.

Esekiel 8:14

Kina pu na, u nan di mi buen Uwumbɔr Aadichal aaŋangan wɔb aabisamɔb chee ki ti mɔk mi bipiib bi ka wii liwaal Tamus aakpuul na.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 4:13

Ŋijoo paab le bi toor ŋiwaa, le ki seer nnyɔknii isui sakpiin i aabon taln buen dandar na taab, ŋigongon pu, isui aaboon aah mɔ ni chee na, kina pu le nibisatiib joo bibaa kooh, le nibipuutiib mu kpaln bidagoob.

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Nkahm 25:1

N‑yoonn mu Israel yaab nan kal Sitim Aafataŋ ni, Moab yaab aatiŋ ni na, le Israel yaab aajab piin ki yoor ki kpaan doo kitiŋ ngbaan yaab aapiib chee.

Ikaal 23:17

“Nimi Israel yaab ponn ni aaja, bee upii, taa ŋa liwaal libaa aamaakpayal.