2 Bibɔrb 23:6 - Uwumbɔr aagbaŋ

⁶ U nan nyan liwaapii Asera aanaŋ Uwumbɔr Aadichal ni, le ki di buen Kidronn aafataŋ ni, le ki ti di li see mmii ni, le ki san laafatan ti kpaln kitangbaak, le ki di kitangbaak ngbaan yaa yaa binib mɔmɔk aacheek ni.

2 Bibɔrb 23:6 ပူးပေါင်းရင်းမြစ်များ

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

1 Bibɔrb 15:13

Uyaa Maaka aah nan naan timar aawaapii Asera aanaŋ pu na, le u nan nyan u upiibɔr aanaan ni. Asa nan chɔi chɔi liwaal ngbaan ki ti see li mmii Kidronn Aafataŋ ni.

1 Bibɔrb 16:33

U nan naan liwaapii Asera aanaŋ mu. U nan tun Israel yaab Aadindaan Uwumbɔr titunwanbir, ki jer Israel yaab aabɔrb bi mɔmɔk puen u jin nnaan na, le ki fiin waaŋuul.

1 Bibɔrb 2:37

Aa yaa nyan ki ponn ni ki ti jer Kidronn aabunbik na kan, aa ga sil kpo, le ni ga li ye sin aabaa aabɔr la.”

2 Bibɔrb 10:26

ki ti yoor ni baah di jaatɔlk u siin nima na, ki nan see u mmii.

2 Bibɔrb 10:27

Kina le bi nan kuln liwaal aajaatɔlk ngbaan, ni kiwaadiik ngbaan, le ki di kiwaadiik ngbaan ŋa kibiniidiik, le ki beenin ye kibiniidiik ki nan saa din wee.

2 Bibɔrb 21:7

U nan naan liwaapii Asera aanaŋ siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ponn ni do chee na, Uwumbɔr Aadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni, ke binib li dooni mi na.

2 Bibɔrb 23:12

Ubɔr Josia nan ber ŋiwaa aatork aabimbin ŋi Juda yaab aabɔrb nan maa tɔŋ Ubɔr Ahas aadir paab libɔrdichal aapaacham na mɔmɔk, le ki ber Ubɔr Manase mu aah nan maa ŋiwaa aatork aabimbin ŋi Uwumbɔr Aadichal aachin ŋilee na ponn ni na; u nan gbaa wɔi ŋiwaabimbin ngbaan le ki di ŋi mee Kidronn aafataŋ ni.

2 Bibɔrb 23:15

Josia nan ki ber Nebat aajapɔɔn Jeroboam u nan di titunwanbir mɔk Israel yaab na aah nan maa tiwaadir ti Betel aatiŋ ni na. Josia nan tur liwaabimbiln ngbaan lii, le ki gbaa wɔi laatakpal, le ki san ŋi, ŋi ti kpaln kitangbaak; u nan ki see liwaapii Asera aanaŋ mu mmii.

2 Bibɔrb Aabɔr 15:16

Ubɔr Asa nan nyan uyaa Maaka ubɔrpii aanaan ni. Uyaa aah nan ŋa pu na le ye ke u ŋa liwaapii Asera aanaŋ ke li kpa timar. Asa nan chɔi chɔi liwaal ngbaan, ki see li mmii, Kidronn Aafataŋ ni.

2 Bibɔrb Aabɔr 33:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ki dooni iŋmabi.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

Nnyam 32:20

U nan donn unaajabo u bi nan mɔɔ na, le ki san u, u ti kpaln n‑yon, le ki di buun nnyun ni, ki di tii binib ngbaan le bi nyun.

Jeremia 17:2

Nimi aanib dooni ŋiwaa kitork aabimbin chee, naah naan liwaapii Asera u na aanaŋ bususoom mɔmɔk taab, ni ŋigongon paab,

Jeremia 22:18

Le Uwumbɔr nan len Josia aajapɔɔn Jehoyakim, u nan ye Juda aabɔr na aabɔr ke, “Ubaa aan wii waakpuul, kaan len ke, ‘Ni kpa mpombiin sakpen, njɔ, ni kpa mpombiin sakpen a.’ Ubaa aan wii u pu, kaan moo u pu ke, ‘Maaninkpel, maabɔr.’

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Jɔnn 18:1

Yesu aah len kina ki ti doo na, le u ni waadidiliib puur nkpen mu bi yin mu ke Kidronn na. Isui i lu ŋisubil jikee na aasaak kibaa bi nima chee. Le bi koo kisaak ngbaan ni.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Ikaal 9:21

Naah nan ŋa titunwanbir aawan ni nan ye tikur aanaajabo na, m nan nyan ni ki di see mmii. M nan gbaa wii ni yak yak, ki nan ni le ni ti ŋa n‑yon, le m di mu mee ŋa mbun mu nyan ni lijool aapaacham ki choo taab na.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.