2 Bibɔrb 23:5 - Uwumbɔr aagbaŋ

⁵ U nan nyan bitotoorb bi Juda yaab aabɔrb nan di kaan kaan ke bi li toor kitork, ŋiwaa aatork aabimbin pu, Juda aatim ni, ni nin chee duun Jerusalem aatiŋ na, baatun ni, bitotoorb bi mɔmɔk nan toor kitork tii liwaal Baal, ni nwiin, ni uŋmal, ni paacham aawan niken na, ni iŋmabi na, u nan nyan bi mɔmɔk.

2 Bibɔrb 23:5 ပူးပေါင်းရင်းမြစ်များ

2 Bibɔrb 21:5

U nan maa kitork aabimbin ŋi pu bi ga li dooni iŋmabi na, Uwumbɔr Aadichal aachin ŋilee na ponn ni.

2 Bibɔrb Aabɔr 33:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ki dooni iŋmabi.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

Job Aagbaŋ 38:32

Aa ga ŋmaa mɔk iŋmabi n‑yoonn mubaa ki ti saa muken aa? ki ga ŋmaa mɔk iŋmabi i bi yin i ke Upeel sakpiin na ni yaabim nsan aa?

Esekiel 8:6

Uwumbɔr nan ki bui mi ke, “Unibɔn, aa kan tiwan ni bi ŋani na aa? Lik Israel aanib aah ŋani tiwan ni sukr ponn ni do pu, ki moo jenni mi maabuul li bi chain na chee na. Aa ga kan inimɔɔn aawan ni jer nimina na.”

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.