2 Bibɔrb 23:4 - Uwumbɔr aagbaŋ

⁴ Le Josia nan cha Utotoorninkpel Hilkia, ni waatotoorb bi paa u pu na, ni bikikiib bi nan kii Uwumbɔr Aadichal aabisamɔb na nyan ni Uwumbɔr Aadichal ponn ni tiwan ni mɔmɔk bi joo dooni liwaal Baal, ni liwaapii Asera, ni iŋmabi na li ponn ni. Ubɔr nan see ni mɔmɔk mmii ni n‑gbaan, Kidronn aafataŋ chee, le ki cha bi di naafatan buen Betel aatiŋ ni.

2 Bibɔrb 23:4 ပူးပေါင်းရင်းမြစ်များ

2 Samuel 15:23

David ni waadidiliib aah nan siir na, le kitiŋ ngbaan aanib mɔmɔk nan wii mpɔɔn pu. Ubɔr David nan ti puur Kidronn aabunbik na, le waajab dii u, le bi mɔmɔk di toŋ nteersakpiin ni.

1 Bibɔrb 12:29

U nan di unaajabo naankee ubaa siin Betel aatiŋ ni, le ki di uken na mu siin Dann aatiŋ ni.

1 Bibɔrb 15:13

Uyaa Maaka aah nan naan timar aawaapii Asera aanaŋ pu na, le u nan nyan u upiibɔr aanaan ni. Asa nan chɔi chɔi liwaal ngbaan ki ti see li mmii Kidronn Aafataŋ ni.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

1 Bibɔrb 18:19

Tɔ, kuun Israel aanib mɔmɔk aan bi nan kan mi Kamel Aajool paab. Cha liwaal Baal aawaadam ikui inaa ni piiŋmu na, ni liwaapii Asera mu aawaadam ikui inaa bi Upiibɔr Jesebel kpiini bi na li dii ni.”

1 Bibɔrb 18:26

Bi nan chuu unaaja u bi di tii bi na, ki toor u, le ki mee liwaal Baal nwiin ti kal sisik ni. Bi nan tar ke, “Liwaal Baal, kii timi aameel,” le ki waa liwaal mann kitork aabimbiln li bi maa siin na. Le nibaa aa ŋa.

1 Bibɔrb 18:40

Le Elaija bui bi ke, “Chuu liwaal Baal aawaadam man; taa cha ubaa san ŋmar man.” Le binib ngbaan nan chur bi mɔmɔk, le Elaija di bi buen Kisonn Aamɔɔl ni ki ti ku bi mɔmɔk.

1 Bibɔrb 19:18

Le m ga cha binib ŋichur ŋilole ŋmar Israel aatiŋ pu, bima le ye bi mɔmɔk kii maamɔb, kaa gbaan liwaal Baal aanimbiin ni, kaa moor laanaŋ na.”

2 Bibɔrb 10:26

ki ti yoor ni baah di jaatɔlk u siin nima na, ki nan see u mmii.

2 Bibɔrb 12:10

Le ŋimombil aah ti wiir u ponn ni na, le nnaan ni aagbaŋmeer ni Utotoorninkpel ti dan, ki nan kahn tikunabr aamombil mɔmɔk le ki di ŋa bɔtɔ tiib ponn ni.

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

2 Bibɔrb 21:5

U nan maa kitork aabimbin ŋi pu bi ga li dooni iŋmabi na, Uwumbɔr Aadichal aachin ŋilee na ponn ni.

2 Bibɔrb 21:7

U nan naan liwaapii Asera aanaŋ siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ponn ni do chee na, Uwumbɔr Aadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni, ke binib li dooni mi na.

2 Bibɔrb 22:4

“Li cha Utotoorninkpel Hilkia chee ki ti baa ŋimombil ŋi bitotoorb bi kii Uwumbɔr Aadichal aabisamɔb na gaal binib chee na aabɔr.

2 Bibɔrb 23:12

Ubɔr Josia nan ber ŋiwaa aatork aabimbin ŋi Juda yaab aabɔrb nan maa tɔŋ Ubɔr Ahas aadir paab libɔrdichal aapaacham na mɔmɔk, le ki ber Ubɔr Manase mu aah nan maa ŋiwaa aatork aabimbin ŋi Uwumbɔr Aadichal aachin ŋilee na ponn ni na; u nan gbaa wɔi ŋiwaabimbin ngbaan le ki di ŋi mee Kidronn aafataŋ ni.

2 Bibɔrb 23:15

Josia nan ki ber Nebat aajapɔɔn Jeroboam u nan di titunwanbir mɔk Israel yaab na aah nan maa tiwaadir ti Betel aatiŋ ni na. Josia nan tur liwaabimbiln ngbaan lii, le ki gbaa wɔi laatakpal, le ki san ŋi, ŋi ti kpaln kitangbaak; u nan ki see liwaapii Asera aanaŋ mu mmii.

2 Bibɔrb 25:18

Butɔb aajab aayidaan Nebusaradann nan ki chuu Utotoorninkpel Seraya, ni utotoor u paa u pu, bi yin u ke Sefania na, ni Uwumbɔr Aadichal ni aanikpaam bitaa buen tinaagbiir ni Babiloŋ aatiŋ ni.

2 Bibɔrb Aabɔr 15:16

Ubɔr Asa nan nyan uyaa Maaka ubɔrpii aanaan ni. Uyaa aah nan ŋa pu na le ye ke u ŋa liwaapii Asera aanaŋ ke li kpa timar. Asa nan chɔi chɔi liwaal ngbaan, ki see li mmii, Kidronn Aafataŋ ni.

2 Bibɔrb Aabɔr 33:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ki dooni iŋmabi.

2 Bibɔrb Aabɔr 33:7

U nan naan liwaal libaa siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ni, do chee na, Maadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni ke binib li dooni mi na.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Jeremia 52:24

Babiloŋ aajab aayidaan Nebusaradann nan ki chuu Utotoorninkpel Seraya, ni utotoor u paa u pu aan bi yin u ke Sefania na, ni Uwumbɔr Aadichal ni aanikpaam bitaa tinaagbiir buen Babiloŋ ni.

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Esekiel 8:6

Uwumbɔr nan ki bui mi ke, “Unibɔn, aa kan tiwan ni bi ŋani na aa? Lik Israel aanib aah ŋani tiwan ni sukr ponn ni do pu, ki moo jenni mi maabuul li bi chain na chee na. Aa ga kan inimɔɔn aawan ni jer nimina na.”

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.

Matiu 26:3

Tɔ, n‑yoonn ngbaan le Uwumbɔr aatotoorninkpiib ni Juu yaab aaninkpiib nan kuun Uwumbɔr aatotoorninkpel Kayafas aachiln ni,

Matiu 27:1

Ki woln kitaak le Uwumbɔr aatotoorninkpiib ni Juu yaab aaninkpiib mɔmɔk kpokl baah ga ŋa pu ki ku Yesu na.

Jɔnn 18:1

Yesu aah len kina ki ti doo na, le u ni waadidiliib puur nkpen mu bi yin mu ke Kidronn na. Isui i lu ŋisubil jikee na aasaak kibaa bi nima chee. Le bi koo kisaak ngbaan ni.

Bibɔjirb 2:13

Bi nan di cha Uwumbɔr aadoon, le ki dooni liwaal Baal, ni liwaal Astaate.