2 Bibɔrb 23:3 - Uwumbɔr aagbaŋ

³ U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

2 Bibɔrb 23:3 ပူးပေါင်းရင်းမြစ်များ

2 Bibɔrb 11:14

Nima chee le u ti kan ubɔrpɔɔn ngbaan si Uwumbɔr Aadichal aajaatɔlk chee, nkaal aah mɔk ke bi ŋa ubɔr pu na. Butɔb aajab aaninkpiib ni binib bi pii kakaan tiib na le nan si gob u, le binib ngbaan mɔmɔk kpa mpopiin aafuuk ki pii kakaan tiib. Atalia nan daa kar waawanpeenkaan mpombiin pu, le ki teen mpɔɔn pu ke, “Linibiil, linibiil.”

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb Aabɔr 15:15

Juda aanib mɔmɔk nan kpa mpopiin ke bi di bisui mɔmɔk le puu tipuur ngbaan. Bi nan di mpopiin le doon Uwumbɔr, le u gaa bi iŋaal ilee ki tii bi nsuudoon ŋipepel mɔmɔk pu.

2 Bibɔrb Aabɔr 23:13

Nima chee le u nan ti kan ubɔrpɔɔn ngbaan si Uwumbɔr Aadichal aabisamɔb, jaatɔlk u bi ŋa bibɔrb pu na chee. Butɔb aajab aaninkpiib ni binib bi pii kakaan tiib na le nan si gob u. Binib ngbaan mɔmɔk nan kpa mpopiin aafuuk ki pii kakaan tiib, le Uwumbɔr Aadichal ni aawangbaab, ni bilahngaab joo baawangbaakaan, ki cha binib ngbaan gaa ilahn. Atalia nan daa kar kar waawanpeenkaan mpombiin pu, le ki teen ke, “Linibiil, linibiil.”

2 Bibɔrb Aabɔr 23:16

Utotoor Jehoyada nan cha Ubɔr Joas ni binib ngbaan nan kpee u pu, le bi puu tipuur ke bi ga li ye Uwumbɔr aanib la.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 5:13

N‑yoonn ngbaan le m chuu gbabr maawundo u m nan gbab nchaŋ ni na ki yɔk yɔk u, ki bui ke, “Kina le Uwumbɔr ga yɔk yɔk unii umɔk kaa joo waah puu pu na. Uwumbɔr ga gaa nimi aadichal, ni naah kpa tiwan nimɔk na, ki cha nimi niŋmeen.” Le binib bimɔk nan bi nima na kii ke, “Amii,” ki nyuŋ Uwumbɔr. Le biyidam ngbaan nan joo baah puu tipuur ti na.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Nnyam 24:3

Moses nan buen ti tuk binib ngbaan Uwumbɔr aah bui u pu ki siin waakaal pu na mɔmɔk, le binib ngbaan mɔmɔk kpaan ki kii, ki bui ke, “Ti ga ŋa Uwumbɔr aah len pu na mɔmɔk.”

Ulandaan 8:2

Ŋa ubɔr aah len pu na; ba pu? Uwumbɔr nan puu tipuur tii u.

Jeremia 34:15

Iwiin ilee i jer na, ni nan kpeln nimi aalandak ki ŋa tiwan ni piir nsui na. Ni mɔmɔk nan kii ke ni di nimi aanaagbiib bi ye Israel yaab na lii, le ki puu tipuur nnimbiin ni, Maadichal li ponn ni bi dooni mi na.

Jeremia 34:8

Ubɔr Sedekia ni Jerusalem aanib nan ŋa kimɔbaan ke

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Hiibru Yaab 12:24

Ni fuu ni Yesu chee la. U pu, le Uwumbɔr puu tipuupɔln tii timi. Uma Yesu aasin mu yaa ti pu na le ŋa timi chain. Mu pu, le Uwumbɔr di cha pinn timi. Waasin ngbaan len tibɔr ti ŋan jer Abel aasin aah nan len pu na.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.