2 Bibɔrb 22:3 - Uwumbɔr aagbaŋ

³ Ubɔr Josia aanaan aabin kipiik ni lininiin ponn ni, le u nan tun libɔrdichal ni aagbaŋmeer, Asalia aajapɔɔn Safann, u aayaaja nan ye Mesulam na, Uwumbɔr Aadichal ni ki bui u ke:

2 Bibɔrb 22:3 ပူးပေါင်းရင်းမြစ်များ

2 Bibɔrb 12:10

Le ŋimombil aah ti wiir u ponn ni na, le nnaan ni aagbaŋmeer ni Utotoorninkpel ti dan, ki nan kahn tikunabr aamombil mɔmɔk le ki di ŋa bɔtɔ tiib ponn ni.

2 Bibɔrb 23:23

Tɔ, Josia aanaan aabin kipiik ni lininiin ponn ni, le bi nan ki jin Lakr‑jer Aajim, Jerusalem aatiŋ ni.

Jeremia 1:2

Uwumbɔr nan len Jeremia chee tibɔr, buyoonn Amonn aajapɔɔn Josia nan ye Juda aabɔr na aabin kipiik ni litatar ponn ni na la,

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 36:11

Gemaria, u aate nan ye Safann na aajapɔɔn Mikaya nan ŋun Baruk aah karn kigbaŋ ni, Uwumbɔr aah len pu na.

Jeremia 36:12

Le u fii buen libɔrdichal ni ki ti koo libɔrchiln aagbaŋmeer aadiik ni, nin chee bininkpiib ngbaan mɔmɔk nan ka na. Ubɔr aagbaŋmeer Elisama, ni Semaya aajapɔɔn Delaya, ni Akbor aajapɔɔn Elnatann, ni Safann aajapɔɔn Gemaria, ni Hanania aajapɔɔn Sedekia, ni bininkpiib biken na mɔmɔk nan bi nima.