2 Bibɔrb 21:12 - Uwumbɔr aagbaŋ

¹² Kina pu na, min, Israel yaab Aadindaan Uwumbɔr ga cha tibɔbir tibaa aaboln dan Jerusalem ni Juda yaab pu, le unii umɔk ŋun ti pu na aalan ga ŋmal.

2 Bibɔrb 21:12 ပူးပေါင်းရင်းမြစ်များ

2 Bibɔrb 22:16

Uwumbɔr aabɔr timina ke: “M ban m daa Jerusalem aatiŋ ni kaanib mɔmɔk aatafal ke ubɔr aah karn pu kigbaŋ ngbaan ni na la.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Jeremia 19:3

Uwumbɔr nan bui mi ke m len ke, “Juda aabɔrb, ni Jerusalem aanib, li pel man, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ban m joo ni tibɔbir nan lii libuul lee pu, le unii umɔk ŋun ti pu na aapobil ga yuk.

Esekiel 7:5

Tidindaan Uwumbɔr aah ki len pu na sɔ: “Tibɔbir tibaa ga dan aa pu le tiken paan ni.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

1 Samuel 3:11

Le Uwumbɔr bui u ke, “Nwiin mubaa daal m ga ŋa Israel aanib tiwan nibaa, ni ga li kpa ijawaan, le unii umɔk ŋun ni pu na ga bir, kaan ŋmaa len tibaa.