2 Bibɔrb 20:5 - Uwumbɔr aagbaŋ

⁵ ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

2 Bibɔrb 20:5 ပူးပေါင်းရင်းမြစ်များ

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb 9:3

Uwumbɔr nan bui u ke, “M ŋun saameel. M gaa Lidichal limina, li li ye nin chee bi ga li dooni mi n‑yoonn mɔmɔk na, ki ŋa li chain.

2 Bibɔrb 19:20

Le Aisaya tun ti bui Ubɔr Hesekia ke waah mee Uwumbɔr pu na,

2 Bibɔrb 20:4

Le Aisaya siir cha u, tɔ, waa nan kee jer libɔrdichal aachinjal, le Uwumbɔr bui u

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

Ilahn 107:20

U nan di waamɔboln le tii bi laafee, ki nyan bi nkun ponn ni.

Ilahn 119:26

M kpiir maah tun pu na, le aa kii tii mi; mɔk mi saasan.

Ilahn 126:5

Cha binib bi nan bi bu baajikaabim ki wii na nan chee ti, ni mpopiin.

Ilahn 147:3

U sɔŋni binib bi aasui bii na aasui, ki poo biini baabuun pu.

Ilahn 34:18

Uwumbɔr bi duun binib bi aataakpab yɔl na la; le ki gaal binib bi kaa ki kpa limakl libaa na lir.

Ilahn 39:12

Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Ilahn 56:8

Aa nyi naah muk mi pu na; aa nyi maanyunyunn aakahm, aa ŋmee ti ŋa saagbaŋ ni.

Ilahn 56:9

Bundaal m ti yin si na kan, maadim ga fenn bipuwɔb. M nyi ke Uwumbɔr bi m chee.

Ilahn 6:10

Maadim ga bee nlirm aanimɔɔn aah wu pu na; libuul ngbaan ni le bilan ga ŋmal, le bi jenn yaa bi.

Ilahn 65:2

ba pu? aa keei limeel mɔmɔk.

Ilahn 65:3

Binib ga nya ni kookoo ki dan aa chee, baatunwanbir pu. Timi aataani nyaŋ timi la, le aa ma joo cha pinni timi aataani.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 3:9

Mbamɔn, m ŋun maanib aah wii pu na, m kan Ijipt yaab aah ŋani bi falaa pu na.

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Aisaya 38:22

Le ubɔrkpaan Hesekia baa u ke, “Ba ga li ye limɔkl ki mɔk ke m ga pɔɔk ki ŋmaa buen Uwumbɔr Aadichal ni?”

Aisaya 38:5

ke u gir buen Hesekia chee ki ti bui u ke, “Min Uwumbɔr, u ye aayaaja David Aawumbɔr na ŋun saameel, ki kan saanyunyunn; m ga di ŋibin kipiik ni ŋiŋmu kpee saamɔfal pu.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 18:10

“Bijab bilee nan koo Uwumbɔr Aadichal ni ke bi ti mee Uwumbɔr. Ubaa nan ye Farisii aanii la, uken mu nan ye ulampoogaar.

Jɔnn 5:14

Nee aapuwɔb le Yesu kan u Uwumbɔr Aadichal ni le ki bui u, “Lik, aa pɔɔk a. Aa taa ki tun titunwanbir aan ki taa ki kan falaa u jer saah kan u na.”

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”