2 Bibɔrb 2:4 - Uwumbɔr aagbaŋ

⁴ Le Elaija bui Elaisa ke, “Tɔ, gaar do; Uwumbɔr bui mi ke m buen Jeriko aatiŋ ni.” Le Elaisa gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Jeriko aatiŋ ni.

2 Bibɔrb 2:4 ပူးပေါင်းရင်းမြစ်များ

1 Bibɔrb 16:34

Waayoonn le Hiel u ye Betel aatiŋ aanii na nan ki gir maa Jeriko aatiŋ. Uwumbɔr aah nan puen cha Nunn aajapɔɔn Josua len Jeriko aatiŋ aabɔr pu na, Hiel aah nan ti bil Jeriko aadinyikl aatakpal doo na le ujapɔpol Abiram kpo, le waah ti ma ibisamɔi na le ujapɔɔn uwaatiir Segub mu kpo.

2 Bibɔrb 2:2

Baah cha na le Elaija ti bui Elaisa ke, “Tɔ, gaar do; Uwumbɔr bui mi ke m buen Betel.” Tɔ, Elaisa nan gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Betel.

2 Bibɔrb 4:30

Upii ngbaan nan bui Elaisa ke, “M puu maah kii tii Uwumbɔr ni sin pu na ke maan siir cha si.” Le bi mɔmɔk bilee gir dii tɔb cha.

Tibɔnyaan ti Luk ŋmee ti na 19:1

Yesu nan koo Jeriko aatiŋ ni, ki bɔ dii ki ponn ni.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 2:42

Binimbil nan man ke bi bae Yesu aabɔr, waakpambalb chee. Bi mɔmɔk nan kpaan kimɔbaan, ki ji tɔb chee tijikaar, ki kpaani tɔb chee ki mee Uwumbɔr.

Josua 6:1

N‑yoonn mue le bi nan laŋ Jeriko aagoln aabisamɔi mɔmɔk ke Israel yaab taa ŋmaa koo kitiŋ ngbaan ni. Ubaa aan ŋmaa koo, ubaa mu aan ŋmaa nya kitiŋ ngbaan ni.

Josua 6:26

N‑yoonn ngbaan le Josua nan puu tipuur ki sak ke, “Unii u ban ke u ki gir maa Jeriko aatiŋ na, Uwumbɔr ga daa utafal. Umɔk ban u ki gir bil kitiŋ ngbaan aadinyikl na ga kɔŋ waajan aabo. Umɔk ban ke u ki gir kpaa kitiŋ ngbaan aabisamɔi na ga kɔŋ waabigbiln.”

Ruf Aagbaŋ 1:16

Ruf nan gar u ke, “Taa bui mi ke m buen ki cha si. Cha m dii si buen. Saah cha nimɔk na, m ga buen; saah ga li koo nimɔk na, m mu ga li koo nima la. Saanib ga li ye maanib la, le Saawumbɔr li ye Maawumbɔr.

1 Samuel 1:26

Le Hana bui u ke, “Gafara, maaninkpel. Aa bee mi ii? Min le ye upii u aa nan kan u si do ki bi mee Uwumbɔr na.