2 Bibɔrb 2:3 - Uwumbɔr aagbaŋ

³ Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:3 ပူးပေါင်းရင်းမြစ်များ

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 20:35

Uwumbɔr aamɔboln pu le waabɔnabr ubaa nan bui uŋeen aatɔtiib ponn ni uken ke u faa u. Le uma ngbaan yii,

2 Bibɔrb 2:15

Uwumbɔr aabɔnabtiib piiŋmu bi nan nyan ni Jeriko na nan kan u le ki bui ke, “Elaija aapɔɔn bi Elaisa pu.” Bi nan tooh u nsan pu, le ki gbaan unimbiin ni,

2 Bibɔrb 2:5

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:7

le Uwumbɔr aabɔnabtiib piiŋmu dii bi buen Jɔɔdann Aamɔɔl ni. Elaija ni Elaisa nan ti sil limɔɔl ngbaan aanyun chee, le bibɔnabr piiŋmu na mu sil dandar siib.

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

2 Bibɔrb 4:38

N‑yoonn mu nkon nan lir kitiŋ ngbaan mɔmɔk pu na, le Elaisa gir ni Gilgal aatiŋ ni. Uwumbɔr aabɔnabtiib bibaa nan bi u chee, le u bui waatutunn ke u di likumbusakpeln tɔŋ mmii pu ki ŋaa tikpin tii bi.

2 Bibɔrb 5:22

Le Gehasi gar u ke, “Nibaa aa ŋa. Maaninkpel le tee tun ni mi ke dandana le Uwumbɔr aabɔnabtiib bi bi Efraim aagongon aatiŋ ni na bilee fuu ni, le u ban ke aa tii ni bi tikur aamombil ŋichur ŋitaa, ni tiwanpeenkaan ni ŋan mbamɔm na ŋiker ŋilee pu.”

2 Bibɔrb 6:1

Daalbaadaal le Elaisa aah nan ye Uwumbɔr aabɔnabtiib bi aaninkpel na dan nan bui u ke, “Taah koo nin chee na par timi a.

2 Bibɔrb 9:1

N‑yoonn mue na, Uwumbɔr aabɔnabr Elaisa nan yin bibɔnabpɔm ngbaan ponn ni ubaa ki nan bui u ke, “Gor aabaa ki buen Ramof aatiŋ ki bi Gilead aatiŋ pu na ni. Li joo olif aakpasambil limina.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Amos 7:14

Le Amos bui u ke, “Maa ye ubɔnabr. Unii ubaa mu aa mɔk mi Uwumbɔr aabɔnabr aatuln. M ye upihkpaal la, le ki lik ŋisubil aasui mu.

Lituln 22:3

“M ye Juu yaab aanii la. Bi nan ma mi Tasus aatiŋ ki bi Silisia aatiŋ ponn ni na la. M nan bae mbaem Jerusalem ni, do chee na la. Gamaliel le nan mɔk mi. M nan bae tiyaajatiib aakaal mbamɔm. Nnimbil nan man Uwumbɔr aatuln pu, ke ni mɔmɔk aah bi pu dandana wee na.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.