2 Bibɔrb 2:23 - Uwumbɔr aagbaŋ

²³ Elaisa nan nyan Jeriko ki cha Betel, le nsan ni, mbijabim bibaa ti nyan ni kitiŋ kibaa ni ki nan ŋani u mbɔnyun. Bi nan tar ke, “Li cha paacham, uyikundaan.”

2 Bibɔrb 2:23 ပူးပေါင်းရင်းမြစ်များ

Mpiin 21:9

Daalbaadaal le Ismael, u Ijipt yaab aapiibo Hagar nan ma u Abraham chee na, nan bi ŋani Aisak mbɔnyun.

2 Bibɔrb 2:11

Bi nan chuun cha le ki beenin gbaa tibɔr; libuul ngbaan ni le mmii aataan aatɔroku, u mmii aataan dar u na nan koo bikaasisik ni, le kinaakpaajabuŋ yoor Elaija di buen paacham.

2 Bibɔrb 2:2

Baah cha na le Elaija ti bui Elaisa ke, “Tɔ, gaar do; Uwumbɔr bui mi ke m buen Betel.” Tɔ, Elaisa nan gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Betel.

2 Bibɔrb 2:22

Le ki nyan liyaadaal ngbaan nnyun ngbaan ŋaŋ Elaisa aah len ke mu ga ŋaŋ pu na.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Job Aagbaŋ 19:18

Mbim lik seeni mi, le ki yaa kan mi kan, bi laa.

Job Aagbaŋ 30:1

Le maah kpeln binachipɔm bi na ka ŋani mi yaansara dandana. Bitetiib aa nan bi tibaa ni n‑yoonn mɔmɔk, le maa nan kii ke bi ni maabɔ kpaan ki kpaa maapiih.

Ilahn 31:17

Uwumbɔr, m yin si la; taa cha m ji inimɔɔn. Cha titunwanbirdam ma ji inimɔɔn, cha bi sunn kitekpiitiŋ ni aan ubaa taa ŋun bi pu.

Ilahn 31:18

Ŋmin binyamɔndam aafuuk, ŋmin bigaadam ni bimakdam bi len bininyaam bɔfam na aafuuk.

Ilahn 35:15

Le mma aah nan bi tibɔr ni na, bisui piir, le bi kuun ke bi ŋa mi mbɔnyun; biwɔwɔm gbaa mi, ki ki gbaa mi.

Ŋiyataŋak 20:11

Hali ubo aatuln le mɔk waah ye unii u na; nima chee le aa ga ŋmaa bee ke u bi chob ki ŋan aan waa bi kina.

Ŋiyataŋak 22:15

Mbim ma po ŋani kijɔrk, ni tiwan ni kaa ŋan na, le aa yaa tii bi kiŋaataŋ kibaa kan, bi ga kpeln baabimbin.

Ŋiyataŋak 22:6

Mɔk ubo waah ga li bi mbimbin mu na, aan u ga li teer mu ki ti saa waamɔfal aadoon.

Ulandaan 11:10

Taa cha tiwan nibaa li muk si ki tii si iween. Saapɔnn aan ki yunn sakpen.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 3:5

le unii mɔmɔk ŋa uŋeen aatɔ waageehn. Binachipɔm ni bisapɔm aan li pak bininkpiib, le binib bi kaa bi tibaa ni na aan ki li pak binib bi jer bi na.

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 20:8

M yaa ban m len tibɔr n‑yoonn mɔmɔk kan, m tar ke, “Kijaak, libiil.” Uwumbɔr, maah joo saabɔr mooni na pu, le bi lik mi fam, ki ŋani mi mbɔnyun.

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Hosea 10:15

Betel aatiŋ aanib, kina ga ŋa nimi, naah tun titunwanbir sakpen ti na pu. Butɔb aah ga piin buyoonn na, le Israel yaab aabɔr ga kpo.”

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Liifai Yaab 13:40

Uja aayikpir yaa gui ugbangbataab bee uyigbeer kan, nima aan cha u ŋa tijɔŋdaan.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Amos 7:13

Taa ki nabr Uwumbɔr aabɔr Betel aatiŋ pu do kpala. Ubɔrkpaan aah dooni Uwumbɔr nin chee na sɔ, linibol lee Aameen Aadichal le na.”

Galantiya 4:29

N‑yoonn ngbaan unaagbiipii aabijabo nan muk mmaal aabijabo Aisak u bi nan ma u Uwumbɔr Aafuur Nyaan aapɔɔn pu na. Dandana wee, ni bi kina la. Binib bi dii Juu yaab aakaal na muk timi bi ye Uwumbɔr aabim Waafuur Nyaan aapɔɔn pu na la.

Hiibru Yaab 11:36

Bibaa mu aah nan gaa Uwumbɔr ki kii pu na, le binib nan ŋa bi mbɔnyun, ki lue bi ŋinaalab, ki buu bi tikululn, ki laŋ bi kiyondiik ni.