2 Bibɔrb 2:19 - Uwumbɔr aagbaŋ

¹⁹ Bijab bibaa nan nyan Jeriko aatiŋ ni le ki buen Elaisa chee ki ti bui ke, “Uninkpel, aa nyi ke kitiŋ kimina ye kitinyaan la, tɔ, kaanyun ma aa ŋan, le ki cha bipiib joo ŋipuu lir.”

2 Bibɔrb 2:19 ပူးပေါင်းရင်းမြစ်များ

1 Bibɔrb 16:34

Waayoonn le Hiel u ye Betel aatiŋ aanii na nan ki gir maa Jeriko aatiŋ. Uwumbɔr aah nan puen cha Nunn aajapɔɔn Josua len Jeriko aatiŋ aabɔr pu na, Hiel aah nan ti bil Jeriko aadinyikl aatakpal doo na le ujapɔpol Abiram kpo, le waah ti ma ibisamɔi na le ujapɔɔn uwaatiir Segub mu kpo.

1 Bibɔrb 18:13

Saa ŋun ke Jesebel aah nan bi ku Uwumbɔr aabɔnabtiib na, m nan di bi ponn ni nkub ki yakr bi piiŋmu piiŋmu, ki bɔr titakpalunn ponn ni ki tii bi tijikaar ni nnyun aa?

1 Bibɔrb 18:7

Obadia aah nan cha na, le u ti kpaan di ton Elaija nsan ni. U nan bee u, le ki gbaan unimbiin ni, le ki baa u ke, “Sin sil ye ee?”

2 Bibɔrb 2:18

Le bi gir ni Elaisa, u nan bi Jeriko aatiŋ ni ki kii bi na chee, le u bui bi ke, “Maa nan bui nimi ke ni taa buen aa?”

2 Bibɔrb 2:20

Le u bui bi ke, “Di n‑yaan ŋa lisambipɔln ni ki li joo tii ni mi man.” Bi nan joo nan tii u,

Nnyam 15:23

Le bi ti fuu nin chee bi yin ni ke Mara na, le ki ti kan nnyun, le mu nan cho pam, le baa ŋmaa nyun nnyun ngbaan. Nima pu le bi nan yin mu ke, “Mara.”

Nnyam 23:26

Le nimi aatiŋ ni, upii ubaa kina aan ber lipuul lii, bi mɔmɔk ga li kpa mbim. Le m ga tii nimi limɔfal li fɔk na.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Hosea 9:14

Ba aan m ga bui ke aa ŋa binib bee? Cha baapiib kpaln biŋoob. Cha bi taa ki ŋmaa kpiin baabipɔm.

Nkahm 12:11

le u bui Moses ke, “Uninkpel, taa cha ti ji falaa, taah tun kijɔrk aatunwanbir ti na pu.

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

1 Timoti 5:17

Tɔ, ni ŋan ke Yesu aanib pa baaninkpiib bi joo bi mbamɔm na lipal li wiir na. Yesu aanib aaninkpiib bi tun lituln linimaln, ki mooni tibɔnyaan tee, ki mɔk binib taatataa na, ni ŋan ke bima le aapar li wiir jer biken yaan.

Josua 6:17

Ni bii kitiŋ ngbaan, ni tiwan ni mɔmɔk bi ki ponn ni na, aan ni mɔmɔk li ye ipiin ki tii Uwumbɔr. See Rahab u ye pateer na, ni waadichal ponn ni aanib baanja le ni taa ku bi, ba pu? uma le nan di timi aapepekr na di bɔr.

Josua 6:26

N‑yoonn ngbaan le Josua nan puu tipuur ki sak ke, “Unii u ban ke u ki gir maa Jeriko aatiŋ na, Uwumbɔr ga daa utafal. Umɔk ban u ki gir bil kitiŋ ngbaan aadinyikl na ga kɔŋ waajan aabo. Umɔk ban ke u ki gir kpaa kitiŋ ngbaan aabisamɔi na ga kɔŋ waabigbiln.”