2 Bibɔrb 2:13 - Uwumbɔr aagbaŋ

¹³ le ki yoor Elaija aakpalk ki ŋmar lir ni na, le ki gir ti sil Jɔɔdann aamɔɔgbaln,

2 Bibɔrb 2:13 ပူးပေါင်းရင်းမြစ်များ

1 Bibɔrb 19:19

Elaija nan siir le ki ti kan Elaisa bi joo inaa ko; inaa ilelee ŋiker kipiik ni libaa loln u pu nsan le u joo kookoo yaal na ko paa. Elaija nan chuu peer libɔkul li u pee paa paacham na ki di paan Elaisa pu.

1 Bibɔrb 9:26

Solomonn nan ki ŋa kiŋɔpaak Esionn Geber aatiŋ ki bi gbɔk Elaf aatiŋ ki bi Limɔɔkal Aanyusakpem aagbaan na, ki bi Edom aatiŋ pu na.

2 Bibɔrb 2:12

Elaisa nan kan kina le ki teen yin Elaija ke, “Nte, nte. Israel yaab aakikiir kpaan. Aa buen a.” Le waa ki kan Elaija kpala. Elaisa nan di mpombiin le daa kar waakpalk nfum mulee pu,

2 Bibɔrb 2:14

le ki di Elaija aakpalk na faa nnyun ngbaan, le ki bui ke, “Elaija Aadindaan Uwumbɔr bi la chee?” le ki ki gir faa nnyun ngbaan, le mu yakr nfum mulee pu, le u chuun puur lidapuul.

2 Bibɔrb 2:8

Le Elaija chuu peer waakpalk na ki tam tam ki di faa nnyun ngbaan; le nnyun ngbaan chuu yakr nfum mulee, le u ni Elaisa chuun kitikuun pu ki puur lidapuul.

Hiibru Yaab 11:37

Bibaa mu aah nan gaa Uwumbɔr ki kii pu na, le binib mae bi ŋitakpal ku bi. Bibaa mu aah nan gaa Uwumbɔr ki kii pu na, le bi chuu gii por bi ki ku bi. Bibaa mu aah nan gaa Uwumbɔr ki kii pu na, le bi nan [tɔŋ bi, ki] di kijaak aajuk ku bi. Bibaa mu aah nan gaa Uwumbɔr ki kii pu na, le bi nan ye bigiim, ki chuun pee ipiih, ni iŋoob aagban, ki jin falaa. Binib mu ŋa bi bakaa.

1 Samuel 28:14

Le u baa ke, “Mu bi kinye?” Le u bui u ke, “Ni naahn ujaninkpel le ki choo nyan ni. U pee libɔkul li fɔk na la.” Le Sɔɔl bee ke Samuel ye, le ki gbaan kitiŋ ki tii u kipak.