2 Bibɔrb 2:1 - Uwumbɔr aagbaŋ

¹ N‑yoonn nan fuu ni ke Uwumbɔr yoor Elaija kinaakpaajabuŋ ni buen paacham. Elaija ni Elaisa nan nyan Gilgal le ki cha.

2 Bibɔrb 2:1 ပူးပေါင်းရင်းမြစ်များ

Mpiin 5:24

U nan dii Uwumbɔr mbamɔm, le kaa nan kpo. Uwumbɔr le nan di u buen paacham.

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

1 Bibɔrb 19:11

Le Uwumbɔr bui u ke, “Nya ki ti sil nnimbiin ni, lijool ngbaan pu.” Le Uwumbɔr jer ki cha libupɔpɔɔl daa ki wiil ŋigongon ni ŋitakpal, Uwumbɔr mu aa nan bi libuln ngbaan ni. Libuln ngbaan nan ŋmin kaa ki daar, le kitiŋ dam ki puu, tɔ, Uwumbɔr aa nan bi kitiŋ aah puu pu na ni.

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

2 Bibɔrb 1:18

Ubɔr Ahasia aah nan ki ŋa tiwan ni mɔmɔk na bi Israel Aabɔrb Aatun Aagbaŋ ni la.

2 Bibɔrb 2:11

Bi nan chuun cha le ki beenin gbaa tibɔr; libuul ngbaan ni le mmii aataan aatɔroku, u mmii aataan dar u na nan koo bikaasisik ni, le kinaakpaajabuŋ yoor Elaija di buen paacham.

2 Bibɔrb 4:38

N‑yoonn mu nkon nan lir kitiŋ ngbaan mɔmɔk pu na, le Elaisa gir ni Gilgal aatiŋ ni. Uwumbɔr aabɔnabtiib bibaa nan bi u chee, le u bui waatutunn ke u di likumbusakpeln tɔŋ mmii pu ki ŋaa tikpin tii bi.

Job Aagbaŋ 38:1

Le Uwumbɔr aaneel nyan ni kitaabuŋ ni ki len Job chee tibɔr.

Tibɔnyaan ti Luk ŋmee ti na 9:51

Bundaln Yesu ga gir buen paacham na peen ni. Le u pɔɔk ubaa ke u buen Jerusalem,

Lituln 1:9

Waah len kina na, le Uwumbɔr di u buen paacham, binimbil ni. Le ntaalangbam biin u pu. Baa ki waa u.

Hiibru Yaab 11:5

Enok nan gaa Uwumbɔr ki kii, nima le nan cha waa nan kpo. Uwumbɔr nan yoor u buen paacham la. Ubaa aa ki kan u; ba pu? Uwumbɔr nan yoor u buen paacham. Uwumbɔr Aagbaŋ len ke buyoonn waa nan kee yoor u buen paacham na, u nan piir Uwumbɔr aasui.

Josua 4:19

Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

Josua 5:9

Le Uwumbɔr bui Josua ke, “Din wee, m nyan Ijipt yaab aanaagbiir aanimɔɔn ni pu.” Nima pu le bi yin kitiŋ ngbaan ke Gilgal, bi laa beenin yin kitiŋ ngbaan kina la.

Tibɔkpiirkaan 11:12

Le ŋinikpol ŋi fikr na ŋun nneel sakpiin nyan ni paacham ki bui bi, “Dan paacham do man.” Le bi koo ntaalangbam ni ki buen paacham. Baadim mu kan baah buen pu na.