2 Bibɔrb 19:34 - Uwumbɔr aagbaŋ

³⁴ M ga kiir kitiŋ kimina, ki biin ki pu, maapak, ni maah puu tipuur ti tii maatutunn Ubɔr David na pu.’”

2 Bibɔrb 19:34 ပူးပေါင်းရင်းမြစ်များ

1 Bibɔrb 15:4

Tɔ, David pu na, Udindaan Uwumbɔr nan tii Abija ubijabo ke u nan nab waanaan pu Jerusalem aatiŋ ni, ki li joo ki mbamɔm, nibaa taa ŋa ki.

2 Bibɔrb 20:6

M ga di ŋibin kipiik ni ŋiŋmu kpee saamɔfal pu. M ga gaa si ni Jerusalem aatiŋ kimina Asiria aatiŋ aabɔrkpaan ngbaan chee lii. M ga li kii kitiŋ kimina, mbaa aanyuŋ pu, ni maah nan puu tipuur ti tii maatutunn David na pu.”

2 Bibɔrb 8:19

Uwumbɔr mu aa nan tee ban ke u kuln Juda aatiŋ, ba pu? u nan puu tipuur tii waatutunn David ke uyaabitiib ga li ji nnaan n‑yoonn mɔmɔk.

Aisaya 31:5

Unyoon aah wuŋni waadil pu ki kii waabim pu na, kina le min Uwumbɔr Mpɔɔnsakpiindaan ga kiir Jerusalem aatiŋ ki biin ki pu.”

Aisaya 38:6

M ga gaa si ni Jerusalem aatiŋ kimina Asiria aabɔrkpaan ngbaan chee lii, ki ga li kii kitiŋ ngbaan n‑yoonn mɔmɔk.”

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Aisaya 48:9

Maah ban ke binib nyuŋ maayimbil na, nima le m chur maaŋuul; m kiir li ke m taa kuln nimi la.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 33:21

Kina le m puu tipuur tii maatutunn Ubɔr David ke u ga li kpa yaabil n‑yoonn mɔmɔk aan u li ye ubɔr, le ki puu tii bitotoorb bi nyan ni Liifai aanibol ni na ke bi li tun maatuln n‑yoonn mɔmɔk; le tipuur ngbaan mu aa kpa ke ti bii.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Esekiel 36:22

“Tɔ, di inaŋ i min Bidindaan Uwumbɔr joo tii bi na tuk bi ke: Maah ban m ŋa pu na aa ye nimi Israel yaab pu, maayimbil li ye chain aan ni jinn li inimɔɔn nin chee mɔmɔk ni buen na pu le m ban m ŋa.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Sekaria 9:8

M ga li kii maatiŋ ki taa cha baadim aajab bɔ ki ponn ni jer. Maan cha bibiindam ki muk maanib. Min mbaa aanimbil ga li bi maanib pu.”

Efesusi 1:14

Waah tii timi Waafuur Nyaan na, nima le mɔk ke u ga tii timi waah puu tipuur ti na mɔmɔk, ki ga gaa timi bimɔk ye waanib na lii. Nima pu na, cha ti li pak u, waah ŋan sakpen pu na.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’