2 Bibɔrb 19:2 - Uwumbɔr aagbaŋ

² le ki tun Eliakim, u ye libɔrdichal ponn ni aaninkpel na, ni Sebna, u ye nnaan aabɔr mɔmɔk aaninkpel na, ni Uwumbɔr aatotoorninkpiib, ke bi buen Uwumbɔr aabɔnabr Aisaya u ye Amos aajapɔɔn na chee. Binib ngbaan mɔmɔk mu nan pee tiwan ni saak kuub na la.

2 Bibɔrb 19:2 ပူးပေါင်းရင်းမြစ်များ

2 Samuel 3:31

Le David nan cha Joab ni waajab dar kar baawanpeenkaan, ki peen tiwanpeenkaan ni saak kuub na, ki wii Abner aakpuul. Baah nan cha bi ti sub u na, Ubɔr David ubaa le nan chuun paa utekpiir aadakaa ngbaan pu.

2 Bibɔrb 12:10

Le ŋimombil aah ti wiir u ponn ni na, le nnaan ni aagbaŋmeer ni Utotoorninkpel ti dan, ki nan kahn tikunabr aamombil mɔmɔk le ki di ŋa bɔtɔ tiib ponn ni.

2 Bibɔrb 18:18

le ki tun ti yin ni Ubɔr Hesekia, le waajab aaninkpiib bitaa nyan bi ti tooh bi nsan pu: bima le nan ye Hilkia aajapɔɔn Eliakim, u ye libɔrdichal aaninkpel na; ni Sebna, u nan ye nnaan aabɔr mɔmɔk aaninkpel na; ni Asaf aajapɔɔn Joa, u ye nnaan aabɔr aagbaŋmeer na.

2 Bibɔrb 19:3

Waah nan bui bi ke bi ti bui Aisaya pu na sɔ: “Din aawiin mue ye timi falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

2 Bibɔrb Aabɔr 26:22

Amos aajapɔɔn Aisaya u nan ye Uwumbɔr aabɔnabr na nan ŋmee Ubɔr Usia aah nan ye ubɔr pu na aatun ŋiken aabɔr mɔmɔk bil.

Aisaya 1:1

Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 2:1

Uwumbɔr aah nan di Juda ni Jerusalem aatim aabɔr ti tuk Amos aajapɔɔn Aisaya na sɔ:

Jeremia 19:1

Uwumbɔr nan bui mi ke m buen ti daa tiyakr aabuul. U nan ki bui mi ke m cha binib ngbaan aayidam bibaa, ni bitotoorb bi por na bibaa li dii mi,

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Matiu 4:14

Waah kal nima na, le ni gbiin Uwumbɔr aabɔnabr Aisaya aah nan len pu na ke,

Tibɔnyaan ti Luk ŋmee ti na 3:4

Waah ŋa kina na, le ni gbiin Uwumbɔr aabɔnabr Aisaya aah nan ŋmee pu Uwumbɔr Aagbaŋ ni na ke, “Unii ubaa bi nteersakpiin ni ki tar, ‘Toor Uwumbɔr aasan man ki ŋa waasan mu li tok ki tii u.