2 Bibɔrb 18:7 - Uwumbɔr aagbaŋ

⁷ Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

2 Bibɔrb 18:7 ပူးပေါင်းရင်းမြစ်များ

Mpiin 21:22

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk.

2 Samuel 8:14

U nan kaan kaan bijab Edom aatim mɔmɔk ni, le Edom yaab kpaln waatutum. Uwumbɔr nan tii David linyaŋ nimɔk u buen na.

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

2 Bibɔrb 16:7

Ahas nan di inaŋ tun Asiria aatiŋ aabɔrkpaan Tiglaf Pileser chee ke: “M ye saatutunn u kii tii si mbamɔm na la. Dan nan gaa mi Siria yaab aabɔr, ni Israel yaab aabɔr bi bi tak mi na chee lii.”

2 Bibɔrb 17:3

Asiria aatiŋ aabɔrkpaan Salmaneser nan faa u butɔb; le Hosea nan di ubaa tii u ke u nyaŋ u le ki pa tipar tii u libiln mɔmɔk.

2 Bibɔrb 18:14

Hesekia nan tun ntuun Senakerib, u nan bi Lakis aatiŋ ni na chee ke: “M tun taani; ŋaanii ki di cha, le m ga pa saah ban pu na mɔmɔk.” Ubɔrkpaan ngbaan aagarm le nan ye ke Hesekia tii ni u tikunabr ti aanyunyuun ye njikaabim kuruwaa ŋichur kipiik na, ni salmaa u aanyunyuun ye njikaabim kuruwaa lichur na.

2 Bibɔrb 18:20

U nan baa ke, “Ni dak ke bumɔb aaliin ga ŋmaa nyaŋ tijar aalan ni mpɔɔn na aa? Ni dak ke ŋma ga ter nimi aan ni sil kiir Asiria yaab?

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 31:21

Waah nan joo usui mɔmɔk tii Uwumbɔr ki joo limɔkiir tun Uwumbɔr Aadichal ni aatuln ki dii nkaal mbamɔm na, le u nan nyaŋni waatuln mɔk ni.

2 Bibɔrb Aabɔr 32:30

Ubɔr Hesekia le nan ŋa nkool kiir Gihonn aayayak aanyunbun na aasan, ki jee nnyunsan ki cha mu puu ti koo libuul libaa ni, Jerusalem ponn ni. Hesekia nan kan linyaŋ waatuln mɔmɔk ni,

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 60:12

Uwumbɔr yaa bi ti chee kan, ti ga nyaŋ, u ga nyaŋ timi aadim.

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 36:5

U baa bi ke, “Ni dak ke bumɔb aaliin ga ŋmaa nyaŋ tijar aalan ni mpɔɔn aa? Ni dak ke ŋma ga ter nimi aan ni sil kiir Asiria yaab?

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 18:5

Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.