2 Bibɔrb 18:32 - Uwumbɔr aagbaŋ

³² ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

2 Bibɔrb 18:32 ပူးပေါင်းရင်းမြစ်များ

Mpiin 49:11

Isui i lu na aah ga li wiir sakpen pu na, aatafal aan li bi ni ni, ke aa di saabon gbin isui ngbaan, hali bu ŋan sakpen na. Ŋisubil aadaan ponn ni, le aa ga li finni saawanpeenkaan.

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

2 Bibɔrb 18:11

Asiria aatiŋ aabɔrkpaan ngbaan nan chur Israel aanib tinaagbiir buen Asiria aatiŋ ni, le ki ti di bibaa kaan Hala aatiŋ ni, ki kaan biken Habor Aamɔɔl chee, Gosann aapepel ni, ki kaan biken mu Media aatim ni.

2 Bibɔrb 19:10

“Uwumbɔr u aa mak u pu sakpen na bui si ke maan ŋma nyaŋ si, aa mu taa tee cha kina ngbaan ŋmann si.

2 Bibɔrb 25:11

Nebusaradann nan di binib bi gur ki ponn ni na buen Babiloŋ aatiŋ ni, ni biwanŋab bi nyi baatun mbamɔm ki beenin bi nima na, ni binib bi nan nyan ti di bibaa kpee Babiloŋ yaab pu na.

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Aisaya 36:17

ki ti saa n‑yoonn mu Asiria aabɔrkpaan ga ki gir kaan nimi litingbaln li bi ke nimi yaan na, nin chee ndaan aasui aasar bi, ni ga kan ndaan nyu na, ni nin chee ŋikalmaan bi, ni ga kan tijikaar ji na.

Nkahm 14:8

Ti yaa piir Uwumbɔr aasui kan, u ga di timi koo kitiŋ ngbaan ni, ki tii timi kaawangol, ni kaakpaatan mu nyuun na.

Ikaal 11:12

Nidindaan Uwumbɔr le joo kitiŋ ngbaan, ki lik ki n‑yoonn mɔmɔk.